خبط بالعقل..عن بيع جزيرة الوراق تعددت الإشاعات والهدف واحد زعزعة الأمن.. الشعب زعلان من ترامب يا أم ترامب.. قطر تدفع 200 مليون دولار لجدار إسرائيل على حدود غزة.. «المصيف بقي لمن استطاع إليه سبيلا»ومنهم رأس البر

تعددت الإشاعات والهدف واحد زعزعة الأمن بسبب إشاعات الإخوان

الوراق من الأماكن الجميلة جدا في مصر.. أصلها بتطل علي النيل وكدة.. بس سمعنا من كام يوم كدة إنها هتتباع.. هي مين دي؟.. جزيرة الرواق يا ابني؟.. هتتباع لمين وإزاي؟.. معرفش بس ده اللي سمعناه.. ومن هنا تبدأ الإشاعات والبلبلة لنشر الخوف والرعب بين المواطنين..عشان الناس تفتكر إن مصر هتتباع والدنيا تقوم ومتقعدش.. واكتشفنا إن هذه الإشاعات مصدرها  الإخوان..

مين؟.. الإخوان إزاي؟.. أصلها مش أول إشاعة تطلع يا ابني.. كل يوم وتاني  حاجة جديدة ومختلفة.. وكل ده ليه؟.. لزعزعة الأمن.. وتفريق القوة السياسية والمجتمعية.. فهمت بقى؟.. ربنا يريحنا من الإخوان وإشاعاتهم وقرفهم..

تراجع شعبية ترامب في الحكم

ترامب مش عاجبني يا أم ترامب..لية يا خويا ماله؟.. ترامب في خطر يا أم ترامب.. لية يا أبني متوغوشنيش عليه ماله يا ضمنيا؟..

أصل فيه استطلاع رأي قال إن 2 من كل 3 أمريكيين لا يثقون في ترامب.. ودة معناه إن نسبة تأيد الشعب له قلت.. ومبقوش بيثقوا فيه..ونسبة المعرضين وصلت ل58%.. وكمان الشعب الأمريكي شايفين إن بلادهم بقت ضعيفة ومش ملهاش لزمة.. شيفة يا أم ترامب ترامب وصل لإيه؟.. أنا بقولك عشان تنصحيه وتنصحي كل رؤساء العالم إنهم يعيدوا حسابتهم في طريقة حكمهم لأن الشعب لو طلع علي حاكم مفيش قوة تقدر توقفوا.. وإن حكمتم بين الناس فاحكموا بالعدل..

رأس البر مبقاش مصيف الغلابة

زمان رأس البر دية كانت  مدية المصيف للناس الغنية أو الهاي كلاس بقي وكده.. ومع تقدم العصور بقت أكتر للناس الغلابة أو الشعبيين.. والناس دية بقت تروح تصيف ومبتدفعش فلوس كتير وكده.. بيغيروا جوا ما هو حقهم الصراحة.. بس للأسف «رأس البر مبقاش مصيف الغلابة» الليلة الواحدة تبدأ من 350 وحتى 1500 جنيه.. يعني عشان يقعدوا أسبوع دخلوا في 2000 جنيه وأكتر.. هو الغلبان في البلد دي لازم يداس عليك.. كان في مثل بيقولك الراجل من كرش ميسويش قرش.. بس دلوقتي بقي إيه؟.. اللي معهوش فلوس ميسويش قرش.. لكم الله ولنا أيضا..

قطر تدفع 200 مليون دولار لجدار إسرائيل علي حدود غزة

قطر وما أداراك ما هي قطر.. نار من لهب والله.. نار إيه دي جمرة سودة ومهببة عوزة شوية ماية تخلصنا منها.. مصادر فلسطينية يتقولك  قطر مولت جدارا إسرائيليا على الحدود مع غزة بـ 200مليون دولار.. يعني إيه؟.. هي قطر مش مفروض أنها دولة عربية؟.. آه.. آمال إيه اللي بتعمله ده؟..

أصلها ملهاش عزيز ولا غالي.. هي ليها مصلحتها مع من وبكام.. ملهاش دعوة بموت ولا خراب الشعوب ولا البيوت العربية ولا أي حاجة أصلا.. حاجة كدة ملهاش أي لزمة.. ربنا يخلصنا من شرك ويعدك عن طريقنا يا قطر..