خبط بالعقل.. «الشبشب» سلاح الأم المصرية للنجاح بالثانوية العامة.. تركيا «هتقوم ومش هتعد تاني».. الصينيون هينزلوا مصر لترويج السياحة.. واجتماع الحكومة الأسبوعي يبدأ بدقيقة حداد على أرواح الشهداء

الاجتماع الأسبوعي للحكومة يبدأ بدقيقة حداد علي أرواح شهداء رفح

النهاردة كان اجتماع الحكومة المصرية الأسبوعي.. وطبعا محدش فينا قدر ولا يقدر ينسي حادث رفح اللي حصل الجمعة اللي فاتت.. عشان كدة الحكومة بدأت الاجتماع  بدقيقة حداد على أرواح الشهداء وقالوا كمان إن  مصر عازمة على استكمال معركتها ضد الإرهاب.. وتوافق على مشروعى قرار الرئيس بإنشاء مدينة المنصورة الجديدة وإعادة تنظيم الهيئة العامة للمستشفيات.. يعني البلد هتنتقل نقلة تانية خالص..يارب احفظ هذا البلد الأمن من الإرهاب ومن الفقر وثورة الجياع..

تركيا هتقوم ومش هتعد تاني وهتبقي ضد النظام يوم 15 يوليو

لماذا قرر الشعب التركي الانتفاضة ضد رئيسه «أردغوان» يوم 15 يوليو؟.. سؤال مهم والله.. أنا سافرت تركيا من سنتين تقريبا كل ما اركب مع  تاكسي  ويعرف اني مصرية واننا غيرنا نظام الاخوان وبقينا مدنيني وكدة.. يقولولي إزاي تسمحوا ان يبقي رائسكم مش مسلم.. سؤال الحقيقة استفزني جدا.. وقولتلهم جبتوا منين الكلام دو قالولي من إعلامهم.. بعيدا بقي عن إعلام تركيا الموجه بطريقة خاطئة.. كل الشعب تعبان من زيادة الأسعار في كل حاجة بدون وجود داخل يكفيه.. حاجات كدة حاسينها وشيفنها.. وعشان كده قرر يقف ضد النظام.. ففى الذكرى الأولى لتحركات الجيش التركى.. أردوغان «سجان بدرجة طاغية».. يستخدم الحدث لتعذيب معارضيه.. تقارير دولية تؤكد: السطان المستبد اعتقل الآلاف وطرد أكثر من 150 ألف موظف حكومي وأغلق الصحف وحبس الصحفيين.. الحمد لله إن الجيش المصري أنقذنا من إيدي الإخوان..

السيسي  لوزراء الإعلام العرب: الإرهاب تسبب فى أضرار فادحة للأمة العربية

الإرهاب لا دين له.. كلمة بتتقال لما بقوا يوصفوا المسلمين بالإرهابيين ونخاف نمشي في الشارع بالحجاب أو النقاب أو باللحية عشان كدة أنا إرهابي.. الإرهاب ضرنا كتير أوي وضمر حياتنا ومستقبل بلادنا كتير.. وعشان كده الرئيس السيسي  قال لوزراء الإعلام العرب إن الإرهاب تسبب فى أضرار فادحة للأمة العربية خلال السنوات الماضية ومواجهته بحسم وقوة باتت واجبة ولن نتراجع عن موقفنا الرافض لدعم الإرهاب وتمويله و لا توجد حلول وسط.. يعني هنخلص عيله هنخلص عليه..

سلاح الأم المصرية «الشبشب» السبب في نجاح العيال بالثانوية العامة

وأخيرا وبعد انهيار عصبي ورفع سلاح الأم المصرية والصويت «قوم ذاكر يا ابني النت مش هينفعك» والمرتب خلص بسبب الدروس.. طلعت نتيجة الثانوية العامة بليل أمبارح.. بس المفاجأة بقي إن 73% نسبة النجاح فىها.. يعني في 27% ساقتين وعندهم ملاحق والذي منه.. المهم بقي إننا لازم نشكر «شبشب» الأم المصرية ونعرفه إنه مضعش زي ما الأغنية قالت.. اللي هو السبب في نجاح أولادها بالثانوية العامة.. والله دة كان سلاح ماما بالإضافة للصوت العالي والصويت ليل مع نهار.. المهم بقي ربنا يخليلنا أمهتنا ويدوني بالشبب والجزمة كمان.. أحب طبعا أشكر ست الكل أمي حبيبتي أللي لولها مكنتش أخدت الثانوية العامة ولا دخلت كلية إعلام.. ربنا يخليكي ليا ويخليلك سلاحك المرفوع دايما..

الصين هتنزل مصر عشان تروج للسياحة بس في أسوان

لو خايف علي مصر أدينا لحقناها..ولو خايف علي السياحة أهي الصين بتبعت مواطنيها..ياعني زي ماتقول كدة «عريس يا أماي وأمسكوا بس متعوروش يا أبوي» لازم نمسك فيهم بايدنا وأسنانا أمال إيه.. احنا بقا بقالنا يجي 6 سنين السياحة عندنا وقعة أه طبعا بسبب ثورات قامت وناس ماتت وناس عاشيت وإرهاب بقي وكدة.. ةالمهم بقي إن في وكالة صينية تشيد بالسياحة فى مصر وتؤكد تنظيم رحلات أسبوعية لأسوان والقاهرة.. يعني الحياة هترجع تنتعش تاني وأكيد الدولار هينزل أصل في عملة صعبة هتدخل البلد.. بس المهم بقي إننا لازم نروج للسياحة عندنا.. عشان أحنا حضارة 7000 سنة.. عندنا أهرمات وأبو الهول والمتحف المصري ومجمع الأديان.. والغردقة وشرم الشيخ ودهب ونوبيع وطابة.. وغيرهم من حاجات ليها معالم جميله.. تعالوا زورنا وروجوا لسياحة بلدنا باي باي..

مشاكل كروية ملناش دعوة بيها

يادي الكورة وسنينها.. هي الدنيا قايمة قاعدة ليه؟ هو في إيه بالضبط؟.. هقولك يا سيدي.. 10 سنوات «عذاب» للأهلي مع كأس مصر.. الزمالك يخطف البطولة مرتين فى المشهد الأخير.. حرس الحدود «عقدة».. وإنبى وبترول أسيوط بطلا المفاجآت في الإطاحة بأبناء التتش من المسابقة المثيرة.. لو فهمت حاجة ونبي ابقى فهمني ممكن؟

إزاي تحافظي علي صحة شعرك في المصايف؟؟

نصيحة علي الماشي..وانتي واخدة شنطتك وطالعة الساحل..هتحافظي شعرك إزاي؟.. استخدمى زيت جوز الهند على الشعر لتجنب النشفان والتلف.. بعد ما ترجعي من الشاطئ اغسلي شعرك على طول ومتنشفهوش بالسشوار وكده.. وسرحي شعرك بمشط مصنوع من خشب وسنونة واسعة.. اقعدوا بالعافية..