والدة السابع على الثانوية العامة: ابني عازف عود وأورج وصوته حلو

قالت الدكتورة حنان سعيد، طبيبة عيون والدة السابع على الثانوية العامة علمي علوم الطالب يوسف عادل فيهمي سليمان بمجموع 409 ، ان توفيق ابني يوسف من دعوات الغلابة والفلاحين في عيادتي وأبني كان ملتزم وبيذكر من اول يوم في الدراسة وبيتفرج علي التليفزيون وتابع مسلسلات رمضان.

وأضافت والدة السابع على الثانوية العامة علمي علوم: يوسف صوته حلو جدا وبيلعب اورج وعود ومتابع للاخبار بشكل جيد وبيتفرج علي التليفزيون وفي رمضان اتفرج علي المسلسلات.

وتابعت: كنت خايفة ومتوترة اكثر منه لأني كنت خايفة يكون فيه ظلم في التصحيح ولكن الحمد لله أبني شرفنا وكبر بينا ، كنت بروح العيادة وأرجع الاقيه قاعد بيذاكر،و مش هفرض علي أبني انه يدخل كلية الطب ،يدخل اللي هو عايزة انا كل امنيتي انه يكون من الأوائل.

وقال الدكتورعادل فهيم سليمان ، طبيب اطفال، والد الطالب يوسف عادل فهيم ، انا سعيد جدا بتفوق  أبني يوسف وهو متفوق  من "كي جى وان" وحصل علي الأسي دي إل وهو في الصف الخامس الابتدائي ، اتمني ان يكون طبيب ناجح واعتقد اني دي رغبته بحكم ان الاب والام اطباء وعندي كمان ابني الثاني اندروا الاول علي إدارة ديروط الإعدادية وبنت في الابتدائية.

وتابع والد السابع على الثانوية العامة ،علي الرغم من ان أبني اخد دروس خصوصية في كل المواد إلا ان المذاكرة من اول يوم هي الفيصل.

وقال الطالب يوسف عادل فهيم، السابع علي الثانوية العامة بمجموع 409 درجة شعبة العلمي علوم بحب الطب ، و كلية الطب كانت هدف امام عيوني كنت بذاكر 10 ساعات في اليوم ،ونظام البوكلت هو احسن نظام للثانوية العامة حتي الآن لانه بيختصر الوقت وإجاباته محددة وكنت بحل الامتحان في ساعتين وأرجع في ساعة وانصح كل الطلاب انهم ميخافوشي من الثانوية العامة مع المذاكرة وترتيب الوقت.

واقرأ ايضا :

الثاني مكرر بالإسكندرية: عرفت النتيجة وأنا عند الدكتور وبكيت من الفرحة

السابع مكرر على الثانوية العامة: حققت طموح العائلة ونفسي في الطب