سارة درزاوي تتغزل في أبطال «هروب اضطراري»...وتعلق:«سعيدة بمشاهدة الفيلم»

أعربت سارة درزاوي نجمة مسرح مصر، عن سعادتها بمشاهدة فيلم طهروب اضطرارى، حيث نشرت صورة للبوستر الدعائي الخاص بالفيلم، عبر حسابها علي موقع تبادل الصور انتسجرام.

وأشادت سارة بالفيلم، وجودة الصورة، ومشاهده التي شدت انتباهها جيداً، وعلقت قائلة:« مش عارفة أقول إيه.. بس فرحتي بالفيلم كبيرة أوي..خصوصا لما تكون عارف كتير من كواليس مشوار ظهوره للنور»

«أولا .. الفيلم كصورة هايل جدا .. الأكشن المعمول بكدراته بإخراجه حاجة تفرح وأحمد خالد اثبت إنه مخرج ليه بصمة .. و داخل عالم السنيما بتقل أوي بأول تجربة ليه»

وأضافت سارة إلى إبداعات مؤلف الفيلم محمد السيد بشير، والتويستات الخاصة بالفيلم، والتي ساعد علي إظهارها بشكل جميل المخرج أحمد خالد ، حيث علقت قائلة:«المؤلف محمد السيد بشير برضه أول عمل سينيمائي .. و عامل تويستات جميلة أوي في الفيلم..وأحمد خالد ساعد أنها تظهر بشكل جميل ..لدرجة إنه جت لحظة في الفيلم كلنا بنسأل إيه ده في إيه .. و بعدين بيوضحلك كل حاجة»

كما هنأت سارة كل العاملين بأسرة الفيلم وعلي رأسهم كل من أحمد السقا، وأمير كرارة، وغادة عادل، وفتحي عبد الوهاب، ومصطفي خاطر، حيث علقت قائلة " السقا.. انت بني آدم عظيم ... فكرة العمل الجماعي مش مفارقاه .. مش أناني ... انت فعلا نجم، امير كرارة .. كاريزما عظيمة، غادة عادل .. بسيطة و جميلة، مصطفي خاطر .. دايما هكون مبسوطة بيه .. عشرة العمر اللي باشوفه واخد خطوات ناجحة و مختلفة ..و قبوله هايل ما شاء الله .. ربنا يزيده و نشوفه في أدوار أقوي .. عشان هو جدير بيها، أحمد العوضي .. أنا حبيته أوي، فتحي عبد الوهاب .. عظييييييم و ممتع بشكل غير طبيعي .. تفاصيل ولازمات .. و كوميديا خفيفةو تمثيل قوي .. حاجة تبسط أي مشاهد و أي ممثل إنه يتفرج عليه أو يمثل معاه، ضيوف الشرف ... الأساتذة .. مع كامل احترامي، لألقابهم .. نوروا الفيلم ..و لو حتي بجملتين.. وجودهم متعة تانية .. و أنا أتمني أمثل قدام كل واحد منهم ".

«هروب اضطرارى» بطولة أحمد السقا، أمير كرارة، غادة عادل، مصطفى خاطر، فتحى عبد الوهاب، دينا الشربينى، أحمد العوضى، أحمد حلمى، عزت أبو عوف، باسم سمرة، محمد فراج، أحمد زاهر، وآخرون، تأليف محمد سيد بشير، إخراج أحمد خالد موسى، إنتاج ندى السبكى.