أصحاب محلات كوبري الأزهر بأسيوط: الحال واقف والمحافظة تطالب بالإيجار

اشتكى أصحاب محلات كوبري الأزهر بمحافظة أسيوط، الكائنة أسفل كوبري الأزهر والمؤجرة  للشباب منذ 2007 وتحصل منهم الإيجارات ومع ثورة يناير توقفت أحوال البيع والشراء والكساد ضرب المحلات وتخلت محافظة اسيوط عن توصيل المرافق لتلك المحلات، واستمرت في تحصيل الإيجارات.

قال حازم مدبولي، صاحب محل بكبري الأزهر: "المحافظة تطالب بالإيجار والإيجار 600 وحال البيع والشراء ذي مانتوا شايفين ،الحال واقف والمحل 2 متر في 2متر، والدولة عايزة الإيجارات طيب نعمل ايه".

وأضاف صالح مخيمر، صاحب المحل: "هنا بيبيع ب 500 وبيكسبو وبيرزقوا بس مفيش حد بيحب غيرة يشتغل ويكسب يعني من الأخر فيه نفسنه وهي دي اللي جايبة المشاكل ووقف الحال بين الشباب من أصحاب محلات كبري الأزهر".

وأضاف عامر عبد الحفيظ، صاحب محل  بكبري الأزهر: "هنا إيجار المحل ب 700 جنيه في الشهر، والكهرباء ألف جنيه ونصف، وممكن الفين بحسب تقديرات المحصل، ومفيش مية وبنشرب من الحمامات لأن مفيش  في المحل حنفية ولا توصيلات، الوضع هنا سيىء جدا جدا لجميع الناس اللي قاعدة في المكان" .

وطالب محمود رزق، صاحب محل تحت كبري الأزهر، إدارة مواقف أسيوط بتوصيل المرافق للمحلات ومعاملتها معاملة آدمية وجدولة الإيجارات بدل إنذارات الطرد عشان الناس تشتغل وتعيش".

اقرا ايضا

النقل: لصق ورق عاكس على العلامات الضوئية بمحافظة الإسماعيلية (صور)