السيسي يطالب بمراعاة العاملين في مناجم الذهب: «دول بياكلوا عيش»

طالب الرئيس عبدالفتاح السيسي، محافظ البحر الأحمر، بضرورة الأخذ في الاعتبار، ظروف المواطنين الذين يعملون في مناجم الذهب، التي استولى أصحابها على أراضي الدولة، قائلا: «الناس الموجودة هناك دي بتاكل عيش عاوزين نشوفلهم حل، الناس دى ليها بيوت مفتوحة تاكل منين؟، لا نريد استنزاف موارد الدولة، يبقى انت لا اديتنى فرصة علشان اشتغل، ولا أنت عاوز تاخود حقك، وعلشان خاطر الناس اللى بتاكول عيش دى تستمر، والناس دي عملت منظومة مش عارفين نعملها، أنا عايزهم يشتغلوا وعاوز البلد تاخود حقها».

 

وأضاف الرئيس السيسي خلال كلمته في مؤتمر استعادة أراضي الدولة، بمسرح الجلاء، أن المحافظ رئيس في محافظته وله كل الصلاحيات، معلقا: كنت دايما أقولكم لو فيه حاجة حد يكلمنى فى التليفون وعمرى ما حد كلمني مش عارف ليه؟، حد يقولى حاجة، مافيش غير واحد ولا اثنين بس.