النصائح الذكية للمزة الفيسبوكية.. قرار الفريندزون
الأحد، 14 مايو 2017 10:00 ص
الفريندزون
ابعتولى هنا أسئلتكم العاطفية الخاصة بالتواصل على الفيسبوك والانستجرام وغيرهما من وسائل التواصل الاجتماعى فى الزاوية الصغيرة دى هنتكلم عن علاقتك بالكراش والمز والاكس والحتة.
وهابدأ بنصايح مجانية من غير أسئلة ولا استشارات يالا هاننصحكم وناكل من البوفيه.
إذا عملتى حد فى الفريندزون وركنتيه مش لازم يعنى الدنيا كلها تعرف وسكرين شوتس وتسييح وبلاوى، ربك حليم ستار مش لازم الناس تعرف كام واحد فى الفريندزون وكام واحد اتقاله هابى بلوك وكام واحد مبتتفتحش رسايله وكام واحد بيحك وبيستهبل وعامل فيها صديق وكام واحد حمار وكام واحد لما بتتجاهلى رسايله بيقرفك فى التعليقات عشان بيزن على تبليكه بلاش عقد نقص وتنطيط هما اصلا كلهم هوا مش أكتر.
ثم فريندزون إيه يا بنتى ماتعيشى عيشة أهلك.
وكما قال الدلاى لاما
سكسك سكسك بالليمون
واللى بحبه حاططنى فى الفريندزون
