«دولة الألتراس».. الكابوهات يخططون لدخول المدرجات (الحلقة الأخيرة)
الإثنين، 01 مايو 2017 04:04 م
تستأنف «صوت الأمة» نشر الحلقة الثالثة لأخطر التفاصيل في قضية اتهام سيد مشاغب، وآخرين من كابوهات رابطة مشجعي نادي الزمالك، المعروفة إعلاميا بـ«الوايتس نايتس» بتكوين الجناح العسكري للأولتراس F 16 والكتيبة ١٠١ عسكرية.
ووجهت النيابة إلى المتهمين في القضية المقيدة برقم 1107 لسنة 2015 جنح مدينة نصر تاني: تأسيس جماعة على خلاف أحكام القانون تسمى (الكتيبة 101)، وتأسيس الجناح العسكري للأولتراس F 16، والاشتراك في محاولة قلب نظام الحكم والنظام الجمهوري بالقوة، إضرام النيران في استاد القاهرة وقاعة المؤتمرات واستاد الهدف، الإتلاف العمدي للأموال العامة، الهجوم على أحد المرافق العامة بهدف تدميرها، حيازة زجاجات مولوتوف، تأسيس تنظيم من عناصر وايت نايتس على أساس المزج بين حركات فوضوية والقيام بأعمال إرهابية ضد الدولة.
وكشف تحقيقات النيابة مع حسن مجدي سليمان منصور، الشهير بـ«حسن كازرولا» أو «جزره»، 19 عاما، بالفرقة الثالثة ثانوي، حيث أكد أن أعضاء الأولتراس وايت نايتس دأبت على عودة الجماهير للمدرجات مرة أخرى، باعتبار أن كرة القدم للجميع ومشاهدة المبارايات عبر المدرجات حق أصيل للجمهور .
«جزره» كشف خلال التحقيقات تفاصيل تلك الخطة وكيف شارك الأولتراس أهلاوى فيها بالتنسيق مع سيد مشاغب أحد كابوهات الوايت نايتس، حيث قال: «الخطة كانت هي أن سيد مشاغب هينزل بيان تجميع قدام الدرجة الثالثة يمين عند المنصة قبل الماتش بحوالي 5 أو 6 ساعات تقريبا، واللي كان كاتب البيان اللي نزله سيد هو عبد الرحمن أحمد، والهدف من البيان إن بتيجي تمركزات الشرطة عند بوابة الدرجة الثالثة يمين اللي موجودة عند طريق النصر اللى موجودة قصاد المنصة الناحية، وفي الوقت ده اللي بيتجمع الأولتراس هنا هايقتحم سيد مشاغب، ومعاه مجموعة من الأولتراس الاستاد من عند بوابة نادى الزهور اللى بتودى على الدرجة التانية شمال، وأنا كنت من ضمن الناس اللي واقفه عند المنصة بتزاول الأمن بهتافات وتشجيع ودي كانت مسئوليتي أنا وصلاح الدريني وشهرته أبو شهدورة، وده عضو أكتف ألتراس وايت نايتس» .
وأضاف: «وساعتها اتقبض على 15 واحد من اللي اقتحموا الاستاد ومن ضمنهم أحمد حمدي وشهرته اسبايك ومصطفى ريشة، وكان مسئول دولة الكوماندوز، والواقعة التانية كانت عام 2014 في ماتش الزمالك وحرس الحدود في استاد القاهرة، وكان الهدف اقتحام استاد القاهرة لنفس السبب اللي فات، وهو أن الكرة للجميع لازم تكون الماتشات للجمهور، وبدأت القصة إن ياسر بوجو ومصطفى طبله خططوا أن احنا نقتحم الإستاد يوم الماتش من مدرجات الدرجة التالتة شمال علوى، وساعتها سيد مشاغب قعد مع أعضاء التراس أهلاوي في السيدة زينب عشلان يعرفوا منهم أماكن التمركزات الأمنية بتاعت الأمن المركزي هناك وعددها قد أيه واخدوا المعلومات دي من عبد الله صلاح وأحمد إدريس وكريم عادل وواحد اسمه مصطفى كرشه» .
وتابع: « اتفقنا نتقابل في حته اسمها مستعمرة الكهربا في ملعب كورة شبرا، واتفق واحد اسمه هشام بليه مع اتوبيسين ياخدنا من شبرا علشان يودونا على بوابة الدرجة التالتة شمال اللي ناصية صلاح سالم اللي عند بانوراما أكتوبر، وما جاش إلا أتوبيس واحد، وركبنا كلنا وكنا حوالى سبعين واحد، وكان سبقنا بحاجة بسيطة بعربية سيراتوا سودا علشان يتأكد في تأمين على الاستاد من بره ولا لأ، وقالنا في عربيتين أمن مركزى فقلنا هانتعامل معاهم بسهولة، ودخلنا بالأتوبيس لحد باب الاستاد من بره، والباب الحديد كان مقفول قمنا نولنا كسرنا القفل بتاعه، وجرينا واقتحمنا البوابة الإلكترونية ونطينا من عندها على سور ارتفاعه حوالي اتنين متر، وبعد السور بتاع البوابة الإلكترونية قبلنا تشكيل أمن مركزي وكان معانا برشوتات وصواريخ اسمها تورت (ثماني طلقات) 16 طلقة عشان نتعامل مع تشكيل الأمن المركزي» .
واستطرد: « ساعتها ياسر بوجو زق قائد التشكيل وجرينا على مطلع الدرجة التالتة شمال علوى، ولما طلعنا الأمن مجريش ورانا وسابنا وولعنا الشماريخ اللى كانت معانا ورفعنا الشعارات اللى بتطالب بعودة الجمهور، ولما الشرطة حاولت تقبض علينا ضربنا عليهم البراشوتات والتورت اللى هى صواريخ، وهما ضربوا نار فى الهوا ومسكوا اتنين مننا هما فهد سيطرة والتانى مش فاكر اسمه، وكنا متفقين مع الأتوبيس يستنانا عند صالة البولينج، وأنا وياسر بوجو ومحمد محى وسيد مشاغب وأحمد حزوب وصلاح الدرينى فى الوقت ده اتجمعنا مع بعض ووصلنا عند كوبرى التجنيد فى الزيتون ومن هناك اتحركنا وركبوا عربية دايو زيتى فاتح ورحنا على ميدان المطرية، وهناك عند قهوة قابلنا طارق مساكن وأيمن بالا وقعدنا على القهوة علشان نشوف تباعيات الموضوع ونحدد أماكن هروب عناصر الأولتراس، وسافرت أنا وسيد مشاغب على اسكندرية وكان معانا أحمد حزوب ورامى عقبة» .
وأضاف: «أنا علاقتى بألتراس وايت نايتس اتقطعت من اسبوع بسبب خناقة حصلت بيني وبين سيد مشاغب وساعتها شيلته من عندي من على الفيس بوك، وكل مجموعة الأكتف بتاعت الأولتراس».
اقرأ ايضا
باعترافات أحد الكابوهات.. «صوت الأمة» تكشف خطة «دولة الأولتراس» (مستندات)
