أسطورة الدجل بالشرقية على «البورش» لتزويجه «العوانس» بالجان

كثر في اﻵونة اﻷخيرة مدعي الدجل والشعوذة، مستغلين مشاكل الناس واحتياجاتهم، وبخاصة الفتيات ممن  فاتهن قطار الزواج، ووقع في الفترة اﻷخيرة ما يقارب 6 دجالين في قبضة مباحث اﻵداب بالشرقية وكان آخرهم «خيري.ع.ع» 39 عاما، من أبوكبير شرقية، تمكن الأمن من ضبطه، وأصدرت النيابة اليوم قرارًا بحبسه 4 أيام على ذمة التحقيقات التي ستباشرها معه.

 

 

وجاء قرار النيابة عقب تلقي اللواء رضا طبليه مدير أمن الشرقية، إخطارا من اللواء هشام خطاب مدير إدارة البحث الجنائي، يفيد تمكن ضباط مباحث الآداب برئاسه العقيد عاطف ذكي رئيس مباحث الآداب، والرائد حسام الشحات من ضبط أسطورة الدجل والشعوزة بمركز أبو كبير بالشرقية، وتحرر عن ذلك المحضر رقم ٩٧١٨ جنح مركز أبو كبير وتم عرضه علي النيابة أمرت بحبسه 4 أيام على ذمة القضية.

ضحاياه يشتكون من أرشدهم إلى شيطان الإنس لله
 

تقول «ن.ع» إبنتي فاتها قطار الزواج وعدت الـ35 عاما، وهي على قدر من الجمال، وحاصلة على مؤهل عال، ولكن تمت خطبتها 3 مرات ولكن محصلش نصيب خدتها ورحت للشيخ خيري وطلب منا أشياء نشتريها، وقولتله ﻻ معرفش خد فلوس وهاتها وفات شهر والتاني وطلباته بتزيد ومفيش حاجه جديدة، ولكن الغريب إن بنتي كان نفسها تروح هناك كل يوم وبتبقي فرحانه وهي رايحة.

 

وأردفت المجني عليها: كل فترة كان بيطلب طلبات مختلفة، وجه وقت مكنش معايا فلوس بعت حلقي وإديته الفلوس علي أمل إن بنتي ينصلح حالها، وفات 7 شهور، ولما لقيت إني وقعت ضحية نصاب بطلت أروح عنده.

 

أما «ف.م.ع» فتقول: بنتي اطلقت مرتين بسبب كرهها الشديد للمعاشرة الذوجية، وكتير نصحوني أروح لمشايخ، وروحت للشيخ خيري، وبنتي اتجوزت صغيره في سن الـ 18، وكل جوازه مش بتكمل فيها سنه، والشيخ «خيري» قالي ﻻزم يعاشرها جان ﻷن سحرها سفلي وكلام كتير مفهمتوش وكان بيضربها كتير ويقرا عليها كلام مش مفهوم، ومره كتب علي ايديها ورجليها وقالي بعد شهر هتتجوز، وبنتي قعدت شهرين متتكلمش وكل ما أسأله يقولي دا من العلاج لغاية لما روحنا مره عنده وقالي اطلعي بره عشان متتأذيش.. طلعت وبعدها سمعت صراخ بنتي فرحت انها اتكلمت لكن صراخها زاد ولقيتها طالعه ووجهها كله دم وقالت لي منك لله.