هتعملى غدا إيه بكرة؟.. كانيلونى باللحمة المفرومة مع الأرز وسلطة الزبادى

"هناكل إيه بكرة"، سؤال كل ليلة، تسأله "الست المصرية" لنفسها ولأسرتها وتبذل مجهودا شاقا للإجابة عنه، فإعداد وجبة اليوم بيومه، وهو المستفز بالنسبة للزوج لتكراره والتى لايملك الإجابة عليه فى أوقات كثيرة، إلا أن الجميع يهرب من الإجابة على السؤال برد "نأكل أى حاجة".

وبداية من اليوم سيقدم موقع "صوت الأمة" وجبة الغدا بشكل يومى لكل ست بيت محتارة فى سؤال "هنتغدى ايه؟؟"، وفى السطور التالية سنقدم لكى طريقة "الكانيلونى باللحمة المفرومة".

المقادير:

لحمة مفرومة

3 بيض

2 كوب لبن

1 كوب دقيق

نصف معلقة ملح وفلفل

نصف معلقة زبد

صلصة

جبن رومى مبشورة

طريقة التحضير:

نضرب 3 بيض، 2 كوب لبن، 1 كوب دقيق، ونصف معلقة ملح وفلفل المقادير ونصف ملعقة زبد فى الخلاط ونترك الخليط ساعة قبل الطهى، وباستخدام فنجان قهوة كمعيار وفى أصغر طاسة تيفال نضع نقطتين زيت على النار حتى تسخن ونضيف فنجان من الخليط ونهدى الناروبعد تماسكها ونقلبه على الوجه الثانى، ثم نرفعه من على النار ونضع كمية من حشو اللحم المفرومة ونرصه فى الصينية جمب بعض، ونضيف عليه عصير طماطم مع معلقة صلصة وجبن رومى مبشور وفلفل وندخله الفرن على حرارة متوسطة لمدة 15 دقيقة.

ثم يقدم الكانيلونى مع أرز بالشعرية وصينية فراخ فى الفرن وسلطة زبادى.