أولياء أمور عن «بوكليت الثانوية»: الفكرة جيدة وتحتاج للدراسة

اختلفت أراء أولياء الأمور عن نظام "البوكليت" الجديد للثانوية العامة، والذي يتضمن دمج ورقتي الإجابة والأسئلة وجعل الأسئلة جميعها اختيار من متعدد وصح وخطأ "إجباري".

وقالت مها أحمد ولية أمر: "البوكليت كويس جدا بس المهم الامتحان يبقى منه ومفيش داعي للتحوير واللف والدوران في الأسئلة"، وأضافت سهيلة محمود أن البوكلت فكرة جيدة وتبعد كل البعد عن الحشو في المناهج والاسئلة التي تحتاج إلى "الدش".

بينما قالت هدى أحمد أحد أولياء الأمور: "على فكرة الامتحانات اللي زي دي بتكون صعبة ومش سهلة اللي مذاكر كويس هايحل أنا جربت النظام دا في كليتي لكنه طريقة حلوة أنا عن نفسي حباها لأني مابحبش الكلام الكتير والمقالات ".

بينما اعترض البعض الأخر مؤكدين أن هذا النظام سوف يعمل على إضاعة الفرص بين الطلاب حيث قالت ولية أمر: "يبقى كله إجباري كده كتيير وحرام الفرص هضيع من أولادنا في الامتحان".

وقالت هبة محمد: أاعتقد كويس بس مينفعش يبقى مكان الإجابة واحد لازم يتوفر مكان خصوصا للمواد الرياضية ممكن الطالب يحل ويكتشف أنه ماشي غلط يحب يعيد واللي فهمته عن كل سؤال ليه مكان واحد مخصص للاجابة وكمان فكرة أن كل البوكليت إجباري دي حاجة صعبة شوية يعني لما بيبقى فيه اختياري الموضوع بيبقى أخف على الطالب وكمان يا ريت ينزلوا نماذج كتير قبل الامتحان علشان نبدأ ندرب عليها".