قواعد فن «إتيكيت» الرسائل

نتشرت على مواقع التواصل الاجتماعى دراسات الدراسات تؤكد على استهلاك الناس حوالى 5 مليار رسالة كل يوم وده لان أوقات كتير الرسايل بتبقى بالنسبه لنا أسهل وأسرع كتير من مكالمات التليفون خصوصا لو الوقت او المكان مش مناسبين انك تتكلمى فى التليفون لوقت طويل.
ونشرت صفحة بنات حواء علي الفيس بوك7 قواعد لفن الرسائل حيث أن للرسائل قواعد معينه لابد أن تتبعها البنت مهما كان الشخص الذى تراسله، "امتى وايا كان اللى جوا الرسالة"، لذلك يجب أن تتعلمى معنا فى هذا المقال قواعد فن الأتيكيت السبعه للرسايل، ايه اللى المفروض تعمليه وايه اللى مش صح يتعمل..
خلى الرساله مختصرة-1
الرساله المفروض تتكون من جملتين أو تلاته بالكتير، زى ما بيقول خبراء فن الأتيكيت، فلو مثلا عايزة تحكى لصاحبتك عن خروجه حلوة أو حاجه مهمة حصلت معاكى، وأنتى بتتكتبى الرسالة بتاعتك خدى بالك من حجم شاشة تليفون صاحبتك وان كانت هتقدر تقرأ رساله طويله ولا لا، لانه حجم وشكل الرساله بيختلف من تليفون للتانى.علشان كده لو حسيتى انه رسالتك هتبقى طويلة أوى او فيها تفاصيل كتير الافضل إن تبعتي بس العناوين وباقي التفاصيل ممكن تحكيها في مكالمة اول ما تجيلك فرصة.

متفضليش تبعتى أكتر من مسج ورا بعض من غير ما يجيلك رد-2
قاعدة تانية مهمة من قواعد فن الأتيكيت السبعه للرسايل هى انك مينفعش تفضلى تبعتى رسايل كتير ورا بعضها لحد ما يوصلك رد، ودى غلطة بنعملها كتير خصوصا مع اصحابنا القريبين او مع خطيبك مثلا، بس ده مينفعش لانه رغم انه معظمنا مبقاش يسيب التليفون من ايديه لكن ممكن جدا الرساله توصل متأخر او توصل وميفتحهاش لانه مشغول مثلا او انه ميكونش فى شبكة، فبعد ما تبعتى رساله لازم تستنى يجيلك الرد قبل ما تبعتى رسالتك التانية حتى لو الرد جالك متأخر، لانه ارسال كتير وراء بعضها بيعتبر بعيد عن قواعد الأتيكيت.

- ابعتى رساله علشان تأكدى على مواعيدك3
لو متفقه انتى واصحابك تخرجوا تتغدوا سوا او تخرجوا بالليل مثلا حتى لو متفقين بالايميل أو على التليفون، ممكن تبعتى رساله سريعه تأكدى بيها على اتفاقكوا والميعاد او المكان اللى هتتقابلوا فيه مثلا زى ” على اتفاقنا النهاردة؟”، سؤال بسيط هيترد عليه بأيوة او لا وخلاص. كده الموضوع اسرع وهيوفر وقت بالنسبه ليكم انتوا الاتنين لكن لو مثلا خططكم اتغيرت او هتعتذري عن الخروج بيقول خبراء فن الأتيكيت انه فى الحاله دى لازم تتصلى ومينفعش تبعتى رساله لانه ممكن ببساطة الرساله متوصلش او ميشوفهاش زى ما قلنا. ومينفعش كمان تعزمى حد على خروجة او مناسبة برساله لانها بتعتبر casual ومن اصول فن الأتيكيت انه العزومات والمناسبات ضرورى تبلغى بيها الناس على التليفون او تعزميهم بشكل شخصى.
مينفعش تنهى ارتباط برساله -4
كتير مننا بنفكر انه اننا ننهى علاقة او ارتباط برسالة هيكون اسهل علينا ويوفر علينا الاحراج اللى بيبقى موجود فى المواقف اللى زى دى، لكن رغم كل الاسباب اللى ممكن تخليكى مش عايزة تنهى الارتباط انك تنهى علاقة برسالة بيعبر عن الذوق القليل وممكن الطرف التانى يحس انك مش مدياله اهمية والاحترام الكافى. علشان كده اى علاقة او موقف هتنهيه لازم يبقى بشكل شخصى ومينفعش ابدا تعتمدى على الرسايل فيه.
استخدمى علامات الترقيم واكتبى صح- 5
المسجات خليتنا نخترع اختصارات كتيرة للكلمات لازم تعبرى بيه عن اللى عاية تقوليه فى رسالتك، لازم تستخدمى علامات الترقيم زى الفاصلة والنقطة وعلامات التعجب والاستفهام لانها هتساعدك توصلى اللى انتى عايزة تقوليه وهتخلى فهمه اسهل ولازم تخدى بالك كمان انك بتكتبى صح وبأخطاء فى الحروف قليلة علشان تخلى قراية رسالتك اسهل على اللى بيستقبلها، ولو بتكتبى رسالة لحد اول مرة بتبعتيله حاولى تبعدى عن الاختصارات زى LOL، OMG ولو كانت مشهورة لانه ممكن يكون ميعرفهاش.
كتيرAttachments- متبعتيش6
رغم انه التليفونات بتدينا اختيارات انه يبقي فيه ملحقات في الرسايل زي الفيديوهات أو الصور أو التسجيلات الصوتية، القاعدة دى قواعد فن الأتيكيت السبعه للرسايل بتقول انه مينفعش تبعتى أكتر من attchment واحد لكل رسالة وده لانه لما بتبعتى اكتر من ملحق او ملحق حجمه كبير فى رسالة بيبقى تقيل جدا على موبايل اللى هيستقبل الرسالة وممكن يملا مساحة الرسايل كلها عنده،، علشان كده لو محتاجة تبعتى كتير وحجمها كبير يفضل تبعتيها بالايميل.
- اختارى الوقت اللى تبعتى فيه رسالتك7
لو انتى عارفه انه اللى بتبعتيله المسج ببقى مشغول معظم الوقت يبقى الرسالة انسب حل لانها هتفضل عنده وهيقراها وقت ما يبقى فاضى لكن مهم كمان تختاى الوقت اللى بتبعتى فيه رسالتك، بمعنى انه الوقت اللى مينفعش تردى فيه على التليفون زى مثلا ما تكونى فى اجتماع شغل او قاعدة على الاكل او اى تجمع سواء كان رسمى او لو حتى قاعدة مع عيلتك واصحابك برده مينفعش تبعتى فيه رسالة لانه لما بتمسكى موبايلك بتشتتى انتباه الناس اللى قاعدين معاكى، وكمان مينفعش تبعتى رسايل فى وقت تكونى فيه تعبانة او مش نايمة أو وانتى سايقة ولما تبقى بطارية موبايلك هتفصل لانه ممكن الموبايل يفصل ومتقدريش تردى على الرد اللى هيجيلك.