انتقادات واسعة لـ« تامر حسني» بسبب هذه الصورة

تداول رواد مواقع التواصل الاجتماعي صورة للنجم تامر حسني منذ طفولته، ظهر خلالها وهو يقلد نجوم تلك المرحلة، الأمر الذي تسبب في انتقاده بشكل كبير عبر مواقع التواصل الاجتماعي بسبب ملابسه ومظهره البسيط، ومع ارتفاع حدة الانتقادات خرج الفنان تامر حسني عن صمته ليوضح حقيقة الصورة.

وكتب «حسني» عبر حساباته بمواقع التواصل الاجتماعي، قائلًا:«لمن يهمه الأمر.. من يومين نزلت صوره ليا وانا صغير وشغلت ناس كتير وفضلوا يتريقوا على الصوره في الحقيقه اني فالوقت ده فعلًا كنت بحاول اقلد المشاهير في صورهم وافلامهم وحركاتهم وبغض النظر عن ان فالوقت ده كانت الموضات شبه كده وانا بقول شبه كده لأني كنت ولد صغير معندوش فلوس نهائي يشتري لنفسه حاجه غاليه ولا عنده اب يشتريله حاجه اصلًا اللي عايز اقوله اني من يوم الصوره دي وانا حالف اني اتصورها بجد وانا مشهور الصوره دي بتثبت لأي شاب ايجابي ان مفيش مستحيل واللي عايز يتريق على الولد اللي فالصوره هقوله يارب تنجح زيه».

وتابع:«انا فخور بالصوره دي وانهارده بقول للولد الصغير ده انت راجل عشان حلمت بحلم وحققته وبدأت من تحت الصفر ووصلت لحلمك بمجهودك وعرقك وكمان اشتغلت شغلانات كتير فيها شقى وتعب عشان تصرف على اهلك من وانت فالسن ده شكرًا يا ولد يا صغير اصرارك عمل مني راجل انسان فنان اسمه تامر حسني».