فيديو..إعلامي يفتح النار على عمرو الليثي بسبب «سائق التوك توك»

هاجم الإعلامي محمد موسى، مقدم برنامج "خط أحمر"، على قناة "خط أحمر"، عمرو الليثي، بسبب استضافته سائق التوك توك، وانتقاد الأخير للأوضاع الاقتصادية للبلاد.

وقال "موسى"، خلال البرنامج اليوم الخميس: "الأستاذ عمرو الليثي كان مستشار المخلوع محمد مرسي مش قادر علي بعد حبايبه وبيستضيفهم يفضفضوا، ونسي أنه قبل 25 يناير كانت علاقته كويسه أوي بأمن الدولة أه والله بدليل أنه كان شايل تليفون اما يتصل عليك يظهرلك رقم خاص وكمان كان معمول له تصريح بدخول الدائرة الجمركية بالمطارات، وطبعاً كلنا عارفين أن الحاجات دي مينفعش تتعمل إلا بموافقة جهاز مباحث أمن الدولة اللي كان بيخلص للأخ عمرو الموافقات الأمنية بتاع الشغالات اللي كان بيستوردهم من بره له ولوالده ولوالدته".

وأضاف: "وفي الأخر جاي يحرض علي الدولة ويصدر صورة سودا للناس من خلال واحد إخواني جايبه على انه سائق توك توك وهو مدرس لغة عربية وعمره ما ساق توكتوك في حياته إلا يوم ما صور مع عمرو الليثي، اتقوا الله في بلدكم مصر مش هتتخرب ولا هتقدروا تخربوها لأن فيها شعب كاشف كل المؤامرات اللي بتتعمل على عليه".