شاهد.. رسالة «نشوى مصطفى» للبطل المصرى «شريف عثمان»

وجهت الفنانة نشوي مصطفي رسالة للبطل الشاب المصري شريف عثمان الحاصل على ذهبية رفع الاثقال فى اولمبياد ريو دي جانيرو.

حيث كتبت «مصطفي» عبر حسابها الشخصي بموقع التواصل الاجتماعي «فيسبوك» قائلة «معاه ليسانس اداب -- وبعد ما اتخرج قعد يدور على شغل -- اشتغل فى محل البان -- واشتغل بياع فى محل ساعات -- واشتغل فى محل اكسسوارات -- وبالرغم من هذا- مالعنش فى العيشة واللي عايشينها -- ماقعدش يرمى احباطه واكتئابه على خلق الله --- ماشتمش فى الجيش والشرطة ---- نسيت اقول لكم حاجتين كمان --- اول حاجة أن عنده ابتلاء اعاقة جسدية كان ممكن استخدامها كشماعة لممارسة اليأس».

واضافت قائلة «تانى حاجة انه رفع اسم مصر لمدة عشر سنين متصلة فى محافل رياضية مختلفه وطول العشر سنين بياخد ميداليات ذهب باستثناء مرة وحيدة حصل على فضية --- انه البطل الشاب المصر شريف عثمان الحاصل على ذهبية رفع الاثقال فى الدورة الباراليمبية ريو دي جانيرو -- عاش شباب مصر الرجالة».