بالفيديو.. مواطنون عن ارتفاع تذكرة المترو: «المشي أحسن»

أكد السفير حسام القاويش، المتحدث باسم مجلس الوزراء، أن رفع أسعار تذاكر المترو ضرورة لضخ الاستثمارات في قطاع النقل، مشيرًا إلى أن مقترح زيادة سعر تذكرة مترو الأنفاق جاء لاستكمال عمليات التشغيل والصيانة، وأن الحكومة لا ترغب في وصول أوضاع الصيانة بمترو الأنفاق لما وصلت إليه السكك الحديدية.

ورصدت عدسة "صوت الأمة" آراء المواطنين حول ارتفاع سعر تذكرة المترو إلى 5 جنيهات بدلا من جنيها واحدا على النحو التالي:

عبر الطفل أحمد إبراهيم 10 سنوات عن رأيه قائلا: "مصروفي في اليوم 10 جنيهات أنا كدة هركب بيهم المترو رايح جاى"

ورفض محمود السيد، ارتفاع تذكرة المترو قائلا: "أنا موظف عادى لما أصرف 600 جنيه في الشهر ومواصلات بس آكل واشرب منين، ويريت المسؤولين ينظروا لموضوع المترو أنه وسيلة المواصلات الوحيدة الغلابة وبلاش يغلوها".

وقالت إحدى السيدات حسبى الله ونعم الوكيل عيالنا هتتعلم إزاى وكل شئ ارتفع سعره حتى تذكرة المترو، حرام عليكو بطلو تغلو بحاجه الناس هتعيش منين.

وقال على عيد، "أنا عندى 37 سنة وقبضى 1700 جنيها، وبصرف ع زوجتى وأولادى وأنا معاق أجيب منين عشان أصرف على بيتى لما يغلو كل شئ حتى تذكرة المترو التى تعتبر أرخص وسيلة ومواصلات للغلابة، عشان كدة المعاقين اللى مثل حالاتى يذهبوا لمنازلهم مشى".

وقالت فاطمة أحمد: "صعبان عليا الناس محدودى الدخل لأنهم هيعانوا من الموضوع ده، دول بيجعموا الجنيه عشان يقدروا يركبوا دلوقتي هيعملوا إيه في موضوع الـ5 جنيه ده".

فيما علق آخر: "مش هنركبه وهاخدها مشى أحسن، لأن كل شئ بيغلى في البلد هاتيجى ع تذكرة المترو".