بالصورة.. بشرى تتعرض لانتقادات واسعة بسبب«عبده موته»

نشرت الفنانة بشرى على صفحتها الشخصية على موقع الصور الشهير «إنستجرام»، صورة لها في أوروبا وهى ترقص بأحد الشوارع، واستعانت فى تعليقها على الصورة بأحد أفيهات أفلام المخرج شريف عرفة من فيلم «الإرهاب والكباب»، معلقة : « في أوروبا والدول المتقدمة تقدر تعمل كدة في الشارع عادي...النكديين و اصحاب العقول الكئيبة يمتنعون !!!»، الأمر الذى تسبب فى شن حملة أنتقادات واسعة من قبل رواد «انستجرام» .

وعلق حساب يحمل اسم «صادق المصرى»، قائلًا: « الناس بتعلق على الصورة تحت و بتقولك انتي وعبده موته الدولار داخل علي ١٤ ان مش بطلتوً النار حتاكلكم ».

ما جعل بشرى تقول له: «وانا مالى بعبده موته ».

وتابعت: « و الأهم أنا أصلًا من مواليد بريطانيا رابعًا بقى أنا محدش يقدر يزايد على قوميتي لأن أنا أسرتي والحمد لله سمعتها سبقاها في وطنيتها و أسألي و حضرتك هتعرفي خامسًا مش مشكلتي أن حضرتك مفهمتيش الافيه اللي أنا كاتباه لأنه أصلًا من فيلم الأستاذ شريف عرفة و اسمه الإرهاب و الكباب و كان الممثل فيه بيقول أوروبا و الدول المتقدمة جايز حضرتك متفرجتيش عليه بس ناس كتير قوي عندي من الفانز عارفينه و حافظين كمان إفيهاته و غيره من الأفلام».