مى كساب لجمهورها «ادعولى أقوم بالسلامة»

كشفت الفنانة مى كساب، لجمهورها عن أنها حامل فى شهرها الخامس، وذلك بعد ظهورها مؤخرا بحفل زفاف الفنانة هبة مجدى، والحمل كان قد ظهر على بطنها، فكتبت على صفحتها بموقع الصور قائلة: «الإنسان هو أكتر حاجة فيها جدل خلقها ربنا وطول الوقت عايش في صراع بين الخير والشر وَيَا ترى مين هينتصر في النهايه الصراع الابدي مع الشيطان ونوووس بيعمل عمايله اللهم اكفينا شر النفس الامارة بالسوء وأهدينا وأكرمنا ووفقنا في حياتنا انا اخترت الصورة دي مع الكلام ده عشان في ٦ في الصورة اخوات واصحاب ونوس بيروح وبيجي بينهم بس الخير اللي جواهم هيكون اكبر من ٥٠٠ ونوس وانا هأفضل احلم بالمدينة الفاضلة حتى لو هاعيش فيها لوحدي".
ثم أكملت قائلة:«بس جوايا يقين دايما من رب العالمين انها جاية جاية الصورة دي كنت عايشة فيها احلى ايام حياتي وانا عاوزة اخلف ابني او بنتي وانا عايشة اجمل ايام حياتي يارب حققلي امنيتي ادعولي أقوم بالسلامة انا في الشهر الخامس والله مش باخمس عشان الحسد... محمد جوزي بحبك يا انضف وانقي قلب قابلته في حياتي يا أحلى بابي».

يذكر أن «كساب» كانت قد أعتذرت مؤخرا عن جميع أرتباطاتها الفنية، وذلك حتى ولادة طفلها.