أحمد حاتم يوجه رسالة للبنات: المسلسلات فهمتكم أن اللبس غير المحتشم برستيج وشياكة

وجه الفنان الشاب أحمد حاتم رسالة للبنات والشبا، من خلال صفحته الشخصية بموقع«فيس بوك»، قائلا: «فيه بنات بيشوفوا أنهم مش حلوين أوي فبيحاولوا للأسف يبرزوا جمال في جسمهم فيلبسوا ضيق أو مفتوح أو يقلعوا الحجاب وده للأسف نقص في الشخصية لان اللي واثقة من نفسها مبتفكرش كده وكمان ده بيشد الشباب اللي بيحب يتسلي ده غير أنها بتسيئ لأهلها إلي ممكن يخافوا يعارضوها عشان نفسيتها أو حتى مشغولين عنها وده طبعا ميبررش موقف الأهل».

وتابع : « واحب أكد كشاب أن معظم الشباب والأغلبية العظمي منه سواء كان ملوش تجارب أو كان ليه كتير ساعة لما يفكر يرتبط و يتجوز هيبص للبنت اللي سمعتها حلوة ولبسها محتشم ومفيش راجل " راااااااجل" هيحب أن مراته او بنته تلبس بشكل ملفت لأنه عارف تفكير الشباب اللي زيه عامل أزاي».

واختتم:«نفسي بجد البنات تفهم كده لان المسلسلات والموضة و"السوشيال ميديا"، فهموهم أن البجاحة دي حاجة عصرية.. وأن اللبس غير المحتشم برستيج وشياكة»