نشوى مصطفى معلقة على عربيتين محمد رمضان «دى عطايا من ربنا»

علّقت الفنانة «نشوى مصطفى» على الصورتين التي طرحها الفنان «محمد رمضان» أمس الجمعة، مع سياراتيه الجديدتين.
حيث علقت «مصطفى» من خلال صفحتها الشخصية بموقع التواصل الاجتماعى «فيسبوك» قائلة «من اربع سنين اشتغلت مع محمد رمضان مسلسل اسمه الشركة، وصادفت قعدنا سوا فى البريك، وكان الحوار بينا وماحدش يضحك أو يتريق أو يستخف دمه؛ على تفسير سورة العصر، محمد كان بيشرح لى تفسير سورة العصر إن الإنسان خاسر طالما مش حيلتزم بشروط عدم الخسارة وهى الإيمان زائد عمل الخير زائد الحكم بالحق والعدل زائد الصبر».

وتابعت قائلة «كلامى فيه دلالة على نفسية محمد رمضان اد ايه قربه من ربه ، واعتقد اللي وصل له محمد مش بس شطارة ومش بس اجتهاد لاء اللي وصل له ده قرار الهى.. ليه باقول كده لأن الهرى واصل للمدى على موضوع العربيتين اللي اشتراهم، يا اسيادنا دى عطايا ربنا والله العظيم، والعطايا ظاهرها رضا ومحبة وباطنها اختبار، وانا واثقة ان محمد حينجح فى الاختبار لانى اظن انه ممن قال فيهم الله ( إلا الذين امنوا وعملوا الصالحات وتواصو بالحق وتواصو بالصبر )».