نشطاء يدشنون إيفنت «احكلنا عن محاولة انتحار فاشلة».. «Rosy» بـ«سبع أرواح» بعد تناولها حبوب الضغط.. «Manar» تتلقى «علقة موت» بعد إدعائها الإنتحار.. و«Elsese» يفشل في الموت أسفل اطارات السيارات

تداول رواد موقع التواصل الإجتماعي «فيسبوك» إيفنت تحت عنوان «احكلنا عن محاولة إنتحار فاشلة»، لتظهر مع اللحظات الأولي لإطلاق الإيفنت، تعليقات مفاجأة لتوقعات متابعى الإيفنت، والتي إعتبرت العديد منها مواقف كوميدية، وبعضها حقيقي.

ورصدت «صوت الأمة» بعض التعليقات التى تداولها النشطاء في تعليقاتهم على الإيفنت.


منتهى الإحراج
قالت صاحبة حساب موقع التواصل الإجتماعي «فيسبوك»، تُدعى «Rosy Rosa» على محاولة انتحارها قائلةً: «كنت متخانقه مع أخويا وأنا فى ثانوى وروحت لقيت شريط برشام ضغط بتاع ابويا بلعت منه كام واحده وبقيت زى السكرانه المصيبه إنى كتبتلهم جواب وفضلت عايشه منتهى الاحراج».


قطع الشريين
كما علقت صاحبة حساب آخر تحمل أسم «Manar NasSer» ساخرةً: «كنت فى سنة سَتة ابتدائي شهادة بقى وكده فنقصت فى الرياضة جامد فقعدت فى اوضتي وفضلت أعيط ومرة واحدة قولت لازم اقطع شراييني، روحت مسكت السكينة وحطيت كاتشب على ايدي راحوا كلهم اتخضوا بيحسبونى موت نفسى بس لما قومت وعرفوا انى بهزر اخدت حتة حزام من بابا».


زبادى منتهى الصلاحية
وقالت صاحبة حساب آخر يحمل اسم «Radwa Tharwat» ساخرةً: «وأنا في 5 ابتدائي لما نقصت 4 درجات ساعتها فكرت فالإنتحار وقولت اللي زيى لازم يموت وساعتها كانت أقصى محاولاتي فالإنتحار إني أكلت زبادى منتهى الصلاحية
وده عشان لما فكرت إني لو أخدت برشام أو كده لو موت ويفصحوا الجثة الدكتور هيعرف وساعتها ماما هتزعل منى ولغايه دلوقتى هى متعرفش بالموضوع ده».


محاولات فاشلة
وروى صاحب حساب آخر على موقع التواصل الإجتماعي «فيس بوك» يُدعى «Waled Elsese»، محاولة إنتحاره أكثر من مرة قائلًا: «حاولت كذا مرة أعمل حادثة بأي حاجة راكبها بس للأسف كنت كل مرة بطلع سليم وكدمات بسيطة».