تامر عاشور لتامر حسنى بعد تسريب البومه: متشغلش بالك باعداء النجاح

وجه الفنان تامر عاشور، رسالة للفنان تامر حسنى، بعد تسريب ألبومه الجديد «عمرى ابتدا» على شبكة الانترنت قبل طرحه فى عيد الفطر المبارك، قائلا:« في فرحه كبيره قوي بيستناها الفنان كل سنتين مره وهي فرحه "إصدار البومه" عارفين يعني أيه إصدار البوم ب النسبه لفنان ؟ يعني بينام ويصحى يحلم بيه مبهزرش والله العظيم . التعب اللي قبل الالبوم بيروح لما يتم إصداره بتاريخ ووقت وشكل دعايه معينين و انتظار أراء الناس اللي بتحبه و تباركله وتهنيه كل ده لما مبيحصلش بيفضل الفنان تعبان لحد الالبوم اللي بعده بجد من جواه .

وتابع، ده مالوش اي علاقه بنجاح الألبوم ‫‏تامر حسني‬ البومه هينجح كالعاده ان شاء الله بس كلمه من أخ ليك أعداء النجاح اللي مالهمش علاقه بيك متشغلش بالك بيهم، ولكن أعداء النجاح اللي بتشتغل معاهم «خطر» بيمثلوا 24 ساعه فى اليوم او بيتاجروا ف المضروب بنسبه كبيره وكبيره جدا اوعى تصدق اللي انا سمعته قبل كده ونجاحك هيقتلهم وهيمحيهم اكتر ما هم إتمحوا وبرضو متركزش معاهم .. افرح بالبومك انت عامل أحلى شغل مع كل الناس.. ‫‏تامر عاشور‬».