جابر نصار: فتح الحجز لسحور الجامعة مرة ثانية.. الثلاثاء المقبل

قال الدكتور جابر نصار، رئيس جامعة القاهرة، إن الجميع ينتظر سحور الجامعة للتجمع والذكرى الحلوة، قائلًا «طبعا كلنا منتظرين السحور العملاق علشان يجمعنا ويسعدنا بذكرى حلوة، ولقطة جميلة مش ممكن ننساها»، مضيفًا «وطبعا كتير من حبايبى مالحقوش يحجزوا الى كان بيذاكر وإلى كان نايم وإلى كان مشغول ويكلمونى على الخاص ومتدايقين جدًا».

وأضاف «نصار»، حسب ما نشره على حسابه الشخصى على موقع التواصل الاجتماعى «فيس بوك»، قائلًا «علشان كده سمسم هيفتح الحجز مرة ثانية يوم الثلاثاء الساعة 4 عصرًا علشان الى ملحقش يحجز قبل كده يحجز»، مضيفًا «يلا يا محمد نادى على أخوك سعيد وابن عمك محمود، وزميلك رامى وصاحبك بطرس وابن عمه جورج دا مش سحور بس دى لمة جميلة للمصريين، والبنوتة هايدى والبنت هدير وصاحبتهم ليلى وبنت خالهم سعدية وجمالات وهبة وفاطمة ورشا جارتهم، ومنال بنت الاسطى عبده وكارمن وتجيب معاها أخوها مينا، وقوللهم سمسم هيفتح الحجز تانى ولحين استيفاء الاعداد».