هجمة مرتدة

· رمضان صبحي .. وسط متابعتي لليورو , وقراري بأن استمتع فقط بالكرة الأوروبية الجميلة بعيدا عن وجع العين في الدوري المصري , الا ان رؤية الكرة في اقدامك علي أي ملعب في مصر تجعلها لا تقل بريقا عن التي اشاهدها في أوروبا ربنا يحميك يابني .
· شريف اكرامي .. انا عارف اني استاهل الضرب بالكرباج عشان حولت التلفزيون من ماتش بلجيكا وايطاليا , وقررت اتفرج علي ماتش الأهلي و المصري , بس صدقني لو انا اخدت 100 كرباج مش هيكونوا زي الكرابيج اللي انت اتسببت فيها لجمهور الأهلي في الماتش ده .
·عبد العزيز عبد الشافي .. للمرة الثالثة بوجه رسالة لك ولجهاز الكرة كله في الهلي , بل ولادارة النادي , تصريح المخدة من مارتن يول كان يجب الاعتذار عنه وقتها , الرجل لم يكن يتوقع أبدا انه سيواجه الاسماعيلي والفارق قل من 11 نقطة الي خمس نقاط فقط , الان تواجه فريق ومدرب في قمة التحفز بسبب تصريحاتك , علي يول أن يكن أكثر خبرة بما يفعله فينجر و مورينيو , تصريحاتهم تربك المنافسين ولا تحفزهم .
·أحمد الشناوي .. في حوار قديم بيننا زمان , ايام ما كنت في منتخب الشباب قلت لي ان مثلك الأعلي هو بوفون , صدقني لازم تقعد تتفرج في التلفزيون كتير أوي علي مثلك الأعلي في اليورو , وتركز جامد جدا هو دوره ايه بالظبط مع ايطاليا , لأن واضح ان ملكش مثل أعلي اليومين دول .
. حسام حسن .. كل التحية علي اخلاصك في عملك بهذا الشكل , كسبت احترام الجميع , او عشان اكون صريح معاك , احترام الجميع ناقصه ماتش الزمالك .

[email protected]