محمد عطيه يدافع عن هشام جمال لهذا السبب

دافع الفنان محمد عطية عن الفنان هشام جمال صاحب فكرة إعلان "ارسم قلب" عن مؤسسة الدكتور مجدى يعقوب للقلب، بعد تعرضه لحملة انتقادات واسعة عبر مواقع التواصل الاجتماعى.

وقال "محمد عطية "على حسابه الرسمى "فيسبوك " صباح الخير يا جماعة .. ( هشام جمال ) الشاب اللي طالع فى إعلان دكتور مجدي يعقوب .. أولا أنا لا أعرفه و لا عمري شفته قبل كده و ما عرفتش إسمه غير النهاردة لما لقيت التايم لاين كله بيتريق عليه ... ليه يا جماعة التجريح ؟؟ ليه الإهانة و الهجوم بالمنظر ده ؟؟ لو مش عاجبك أي شئ ممكن تقول عادي .. ممكن تقول صوته وحش لبسه وحش قول اللي إنت عاوزه ده ذوقك و إنت حر .. بس ليه محاولات التحطيم المعنوي بالمنظر الفج ده .. أنا بتكلم عشان أنا ليا تجارب كتير فى الموضوع ده خصوصا بعد إحتكاكي بالسياسة و موقفي .. أنا خلاص إتعودت ولو ماكنتش مختار الطريق ده بمزاجي و عارف عواقبه كنت ممكن أتدمر نفسيا .. أرجوكم بالراحة علي الواد .. علي فكرة البوست مش القصد منه التحكم في أسلوب حد أو الحجر علي رأي حد انا ماعنديش مشكلة في اي حاجة .. البوست رجاء مش أكتر .. التجريح جزء من اللي حاجات الي بيتعرض ليها اي حد بيكون مشهور ... بس أنا عاوزكم تحطوا نفسكم مكانه .. الشاب لسه بيقول يا هادي .. الرحمة يا جماعة .. برة بيقفوا جنب أنصاف المواهب لحد مايعملوا منهم نجوم و إحنا بنبقي قاعدين مستنين الغلط لأي حد عشان نحطمه .. الرفق يا بشر" .