توتر بين أهالى طلاب الثانوية بالقليوبية بعد تسريب امتحان الفيزياء

سادت حالة من التوتر، والقلق، بين أهالى طلاب الثانوية العامة بالقليوبية ،بعد سماعهم خبر تسريب امتحان الفيزياء.

وقالت آمال والدة طالب ثانوى : ابنى مذاكر كويس، بس تسريب الامتحانات بيساوى بينه وبين الطالب اللى مبيذاكرشى، بالعكس ممكن يجيب مجموع اكتر منه، ابنى جاله إحباط وانا قلقانة وسبت شغلى لانى مش مركزة وجيت استناه أمام المدرسة علشان اطمن عليه.

ويضيف نبيل، والد طالب، ابنى من المتفوقين،و بعد المهزلة اللى بتحصل فى تسريب امتحانات الثانوية العامة مش راضى يذاكر وعنده يأس وإحباط من تسريب الامتحانات وعدم قدرة المراقب على التحكم فى لجنة الإمتحان.

وقالت ألفت فرغلي، وكيل وزارة التربية والتعليم بالقليوبية، إن المحافظة بها 75 لجنة تضم 34 ألفًا و219 طالبًا وطالبة، بينهم 4 مكفوفين، وتم تجهيز 24 استراحة للملاحظين والمراقبين ورؤساء المراكز على أعلى مستوى، بحيث تضم أجهزة تليفزيون وثلاجات للعمل على راحتهم لتوفير الجو المناسب لهم، ليعود ذلك بدوره على الطلاب في اللجان.