بالصورة.. مى عزالدين مريضة بالعطور

صرحت الفنانة مى عز الدين، بأنها أصبحت مصابة بمرض جنون العطور، حيث شاركت جمهورها ومتابعيها بنشر صورة لتسريحة غرفتها الخاصة، والتى أحتوت على العديد من أنواع البرفانات المختلفة، وذلك من خلال صفحتها على موقع الصور «أنستجرام» وعلقت عليها قائلة: «اعتراف، بقيت مريضة بالعطور بشكل مبالغ فيه ومش عارفة أوقف مع إني بقيت محدثة برفانات وإني بقيت بصرف بسفه عليهم بس مفيش فايدة، يمكن الموضوع زايد عندي علشان قعدت 15 سنة من عمري عندي حساسية جلدية منهم فا ممنوع استعملهم تماما وشفيت من الحساسية دي بقالي سنة فقط».

وأضافت: «بس برضه مش كدة انا بشتري بجنون حتى لو مش محتاجة والهبل وصل اني ساعات اقوم من السرير احط وارجع تاني حتى لو مش خارجة اتجننت رسمي أقسم بالله!!! ده غير اني بقيت حاسة اني قاعدة في السوق الحرة مش أوضة نومي الجنون أنواع فعلآ!! ادمان نقط_ضعفي».