أمير طعيمة: اتفرجوا على رامز جلال

طالب الشاعر أمير طعيمة، الجمهور بضرورة عدم التسرع في الحكم على برنامج رامز جلال، خاصة وأن الحلقات تعرض بعد موافقة النجم صاحب الحلقة عليها، مؤكدًا أن جلال يبذل مجهودًا كبيرًا في هذا البرنامج.

وكتب «طعمية» عبر حسابه الرسمي قائلًا: «بما إن رامز جلال، متقل إيده شوية السنة دي، وبما إن الموضوع فيه حرايق وانفجارات عايز أوضح حاجة: بعد أول حلقة قبل ما تقول حرام يعمل كده في الناس وده هزار دمه تقيل وفلان جراله وفلان حصله، لازم تبقوا فاهمين إن طالما الحلقة طلعت، يعني الضيف نفسه وافق عليها وما عندوش مانع من عرضها، قانونًا من حق الضيف يرفض عرض الحلقة لو مش عايز، وبما أن أبوها راضي «ورامز» راضي، يبقي اتفرجوا واستمتعوا لأن الراجل ده بيتعب في شغله وبيحترم جمهوره وهدفه إسعادهم، أنا شخصيًا ما بفوتش حلقة وما بيصعبش عليا حد طالما الضيف نفسه في النهاية شايف إنها حاجة مسلية وتستحق عرضها على الناس».