فتاة تطرح على الهضبة الاستعانة بالمحجبات فى كليبه الجديد

عرضت فتاة تدعى أية علاء، من الفنان عمرو دياب عبر صفحة التواصل الإجتماعى «فيسبوك»، أن يستعين فى كليبه الجديد بموديل محجبة، مبررة بأنها ستكون فكرة جديدة وسوف تقوم بتدعيمها الكثير من شركات الإنتاج.

فكتبت عبر صفحتها على «فيسبوك» قائلة: «بصوا هيا مجرد فكرة جات في دماغي ونفسي تلف فيسبوك كله وتوصل لعمرو دياب.. كلنا عارفين إن طبعا عمرو دياب هينزل كليب لـ ألبومه الجديد إن شاء الله، وده الكليب إلى كل الناس منتظراه.. هيجري إيه والنبي لو ‫‏الهضبة‬ عمل الكليب مع بنت محجبة؟؟».

وتابعت: «عارفين هيجري إيه لو الهضبة عمل الكليب مع بنت محجبة بالستايل الجديد اللي في صور، ده اللي طالع للمحجبات عارفين أن طبعا عمرو دياب هو اللي بيطلع الموضة في أي كليب عارفين كام مطرب هيقلده؟؟ عارفين كام بنت هتحب شكلها بالحجاب؟؟ عارفين كام بنت ممكن تتحجب وتحب شكلها بالحجاب أكتر من شعرها؟ عارفين إن ده معناه أن الدين دين وسط مش هيمنع المحجبة أنها تظهر على الشاشة بالشكل اللي تحبه مش لازم الكليب يكون كله رقص ممكن يبقي أرقي من كده بكتر أوي».

وأضافت:«عارفين كام شركة ملابس ممكن تغتني لو عمرو دياب عمل كليب والموديلات اللي معاه محجبة؟؟ عارفين كام شركة إنتاج هتدعم الكليب ده؟؟ عارفين كم الحسنات اللي هتبقي في ذمة الهضبة لو عمل حاجة زي كده، عارفين الثقافة الجديدة والموضة الجديدة في عالم أزياء المحجبات اللي ممكن تحصل.. أنا عارفه أن الفكرة ممكن تكون غريبة، بس هحاول أنشرها مش هخسر حاجة يمكن توصل للهضبة وتغير مفهوم الحجاب عن ناس كتير».