عمرو أديب: «الهضبة» كل يوم بيصغر وأنا شعرى بيقع

أبدى الإعلامى عمرو أديب إعجابه باحتفاظ الفنان عمرو دياب الملقب بـ«الهضبة» برشاقته وجاذبية شكله فى بوستر ألبومه الجديد «أحلى وأحلى»، وقال: «عمرو دياب بقى عنده 26 سنة وكل يوم بيصغر ويطلعله شعر وأنا شعري بيقع، لون وشه برونزي على طول كده إزاي؟، ده هيموتني ده معندوش تجعيده في وشه ولا حباية، وكمان بيغظني وعامل الألبوم باسم هنرجع زي زمان زي ما يكون قاصدني».

وأضاف «أديب» خلال حلقة أمس من برنامجه «القاهرة اليوم»، والمذاع عبر فضائية «اليوم»: «ليه مايبقاش هو أديب وأنا دياب ده ترتيب حروف يا ربي، ده الراجل بيطلعله عضلات في وشه، ومفيش أي كلام أو نق بيأثر فيه بالعكس بيتحسن كل يوم».