سائق «النزهة» المعتدى عليه: «بيني وبين الضابط ربنا»

كشف رجب الفيومي، السائق المعتدي عليه في أحداث النزهة، تفاصيل الاعتداء عليه من قبل نقيب الشرطة أحمد سمير، قائلًا:" الرصاصة جاية من رجلي الشمال معدية على الخصية معدية على رجلي التانية، والمستشفى هنا بتعمل كل اللي عليها واللازم كله".

وأضاف الفيومي، خلال مداخلة هاتفية في برنامج " كلام تاني"، مع الإعلامية رشا نبيل، على قناة "دريم"،:" أنا مش فاهم هو عمل كده ليه، أنا معرفش الضابط ده بيني وبينه ربنا، هو فكر إني موقف الدنيا عشان بحمل وطلع شتمني".

وتابع:" رايح أشوفه بيشتم ليه، ومكنش أعرف أنه هيضرب بالنار لو كنت اعرف كنت جريت أو هربت، وبس هو طلع الطبنجة واداني طلقة وشدني من التيشرت قطعة، والبائعين هما اللي ضربوه مش السواقين".