بالفيديو.. مصطفى كامل لرغدة شلهوب: انتي هتقعديني في بيتي

داعب الفنان مصطفى كامل، الإعلامية "رغدة شلهوب"، خلال تطرقهما للحديث عن الفساد في نقابة الموسيقيين، قائلاً "انتى هتقعدينا في بيتي انا عارف".
وقال خلال لقائه ببرنامج "100 سؤال" المذاع على فضائية "الحياة": "السرقة في نقابة الموسيقيين بتتم بكل الطرق، مش بطريقة واحدة، وده اللي اكتشفته من 4 سنين تقريبًا".
وأضاف "يعني مثلاً الفنانة اللبنانية نانسي عجرم، ممكن تعمل حفلة أو تحي فرح في مصر وتاخد 600 ألف جنيه وزيادة، ويدخل الوصل النقابة بـ 6 آلاف جنيه، لكن الفترة اللي مسكت فيها النقابة ظبطت كل ده لأني واد قليل الادب مش طبال زفة".
وتابع "بالنسبة للمطربين غير المصريين، مكنتش بعاملهم معاملة الأجانب، بأننا ناخد 10% من أي عقد له في مصر، لكن كنت باخد من نانسي مثلاً 50 ألف جنيه على كل حاجة بتعملها في مصر، زيها زي أي مطرب مصري".
الفيديو..
https://www.youtube.com/watch?v=98B_OqsCJK0