الفنانة بتول حداد تروى كواليس دور "نعمة" فى مسلسل "وتقابل حبيب"

تحدثت الفنانة بتول الحداد عن تألقها فى مسلسل "وتقابل حبيب" وبداية مشوارها الفنى، قائلة: "بدأت فى المسرح منذ سن 11 عاما، وفى الثانوية قدمت فيلم "فتاة المصنع" مع المخرج محمد خان، وقدمت فى المعهد أعمال ودرست التمثيل وحصلت على ورش تمثيل فى مصر وخارجها".

وأضافت بتول الحداد، خلال حلولها ضيفة ببرنامج "الستات مايعرفوش يكدبوا" المذاع على قناة سى بى سى: "والدتى هى من صممت الالتحاق بالمعهد وكانت بتسافر معايا، وتربيتى بتأثر فى اختياراتى للأعمال، لأنى تربيت على احترام الست، ووالداى مثقفين وغذوا فيا هذا الأمر، ووالداى أصدقاء ليا، وبينموا موهبتى".

وعن قبولها لدور "نعمة" فى المسلسل، قالت بتول:" لما عرض عليا عمرو محمود ياسين الدور، قلت له نفسى اشتغل معاكم بس الدور عادى مع انى هموت واشتغل معاكم، فقالى: أنا مش عاوز البنت اللى هتقدميها مجرد بنت طيبة وخلاص، لكن فى نفس الوقت هى متعرفش أى حاجة خارج القصر ده".