محمد خميس يروى لـ"الستات" تجربة تقديم ونجاح برنامج "الحضارة المصرية القديمة"

تحدث الفنان محمد خميس عن تجربته فى تقديم برنامج "الحضارة المصرية القديمة" على السوشيال ميديا ونجاحه بشكل كبير بعد تصدره التريند، قائلا:"من صغرى وأنا مبهور بالتاريخ والحضارة المصرية القديمة، لأنى كنت طفل انطوائى ومكنش قدامى حاجة غير القراءة".

وأضاف محمد خميس خلال حلوله ضيفا ببرنامج "الستات مايعرفوش يكدبوا" المذاع على قناة سى بى سى، جيلنا كان ليه ميزة عظيمة مكنش متشتت زى الجيل الحالى بسبب قنوات السوشيال المختلفة، وبسبب اهتمامى الكبير بالقراءة منذ الطفولة واهتمامى بالتاريخ انبهرت بالحضارة المصرية القديمة وهو اللى خلانى ركزت فيها لحد كبير".

تابع محمد خميس، طول الوقت بدور على الآثار والكتب المرجعية اللى تسمح اللى اعرف منها، ولما بدأت قراءة "موسوعة مصر لقديمة" وانا صغير مكنتش فاهم جزء كبير منها، كنت بحارب معاها علشان افهم التفاصيل الموجودة.

أوضح محمد خميس، من 4 سنوات شفت ناس بتقول "أنا نفسى أشوف مصر من شباك الطيارة"، والجملة دى سمعتها من ناس أعرفهم، لافتا إلى أن أصوله من الصوامعة شرق من محافظة سوهاج، والوالدين من المحمودية بمحافظة البحيرة".

أكد محمد خميس، انا زعلت أن الناس بتفكر كده فى مصر فأطلقت مبادرة "مصر جميلة" وبدأت اروح فى الأماكن الأثرية اللى حوالينا فى كل حتة وأوق للناس أنا رياح فى منطقة كذا وتعالوا أحكيلكم الحواديت".