منة عرفة عن "وتقابل حبيب": مسلسل واقعى.. وده كلام الجمهور عنى (فيديو)

تحدثت الفنانة منة عرفة، عن مشاركتها فى مسلسل و"تقابل حبيب"، قائلة: "أى مكان عام بروحه الناس كانت بتقولى: "متفاجئناش بيكى إنك ممثلة شاطرة، إحنا عارفين إنك شاطرة، لكن اللى اتفاجئنا بيه أن إزاى الوش البرىء ده يطلع منه الشر والغل ده".

وأضافت منة عرفة خلال حلولها ضيفة ببرنامج "الستات مايعرفوش يكدبوا" المذاع على قناة سى بى سى، أنه فى مشاهد من حلاوتها تكون حقيقى جدا علشان الناس تصدقها، لافتة إلى أن السيناريست عمرو محمود ياسين كان حريص إنه يكون موجود فى كل حاجة بالمسلسل.

ولفتت منة عرفة، إلى أنه تم إقامة وحدتين للإنتهاء من المسلسل فى أسرع وقت، وعلشان كده عمرو محمود ياسين كان بيجرى بين الوحدتين وعلشان يقول تعليقاته على المشاهد، وهو من العناصر اللى بتنجح العمل.

وأوضحت منة عرفة، أن الكوميديا فى المسلسل كانت قليلة، رغم تواجد الممثلة الكوميدية ياسمين عبد العزيز، لافتة إلى أن عمرو محمود ياسين أظهر أن المظلوم هياخد حقة بناس تانية تساعده، ومن أحلى الحاجات فى المسلسل إنه واقعى جدا".