قرر الفنان محمد رمضان، مشاركة العمال في العاصمة الإدارية الجديدة في وجبة الإفطار، خلال الحلقة الـ27 من برنامج مدفع رمضان، وغنى معهم أغنيته الجديدة "الهمة يا عمال"، وسط تفاعل كبير من العمال في العاصمة الإدارية.
ووجه محمد رمضان، رسالة إلى العمال قائلا: "كل سنة ورمضان كريم ودائما متجمعين وزمان عيد العمال كان مهم جدا وكان مصر كلها تحتفل بالعمال، وتشجعهم وبنقول للعالم كله مصر مش أقل من أى دولة في العالم وعندنا مدينة متطورة معمولة بأياديى مصرية وعمال مصريين واتشرف إن المشروع ده طلع في وقت أنا كنت عايش فيه".
وتابع: "عمال بلدنا محتاجين مننا التشجيع زي ما بنشجع الممثلين وكبرت بتشجيع الجمهور، وفي ناس تستحق أكثر التشجيع لأن في ناس بتعمل شيء موجود على الأرض احنا بطولاتنا الدرامية على ورق ليست حقيقة واللي أمامي هما الأبطال الحقيقين اللي بيتركوا بصمة والله ما كلام انشاء، وده كلام حقيقي وهما دول صناع التاريخ".
وأعلن محمد رمضان من خلال برنامج مدفع رمضان قائلا: "قررنا نبدأ سلسلة اغاني حماسية للعمال وقررت أن أول أغنية اكون بدأت من حيث بدأ العظماء واخترت أغنية غناها الفنان الراحل محرم فؤاد وألحان سيد مكاوي ودي أول اغنية أعملها للعمال وبداية سلسلة اغاني كتير هعملها يمكن تشجعهم ونعبر لهم عن مدى فخرنا بهم".
