محمد رمضان يفاجئ طفلا داخل أتوبيس نقل عام بهدية 100 ألف جنيه

قال الفنان محمد رمضان، خلال تقديم برنامجه "مدفع رمضان" المذاع على قناة dmc، فى ثانى حلقات البرنامج، محمد رمضان، الكرسى الرابع بعد السواق فى أتوبيس هيئة النقل العام عمرى ما هنساه وكان دايما حظى أقعد فيه، فقررت أنزل وسط البلد وأول حد قاعد فى الكرسى الرابع أكسبه، ودى الحالة القدرية، أما الحالة التانية وهى النصيب وأحلى ما فى النصيب حب الناس".

 

واستقل محمد رمضان أتوبيس هيئة نقل عام، وفاجأ راكبة وابنها الصغير فى الكرسى الرابع المحبب لرمضان وأجرى حديثا معهما وقال للطفل: "ما اسمك وبتدرس فى سنة كام، وطلب منه قراءة سورة الفاتحة"، كما سأل الأم ليه اخترتى الكرسى ده؟ فردت: علشان فاضى، وأعطى لها 100 ألف جنيه وقال لها دول مش منى أنا سبب".

 

وأنهى لقاءه بدعوة للطفل قائلا: "ربنا ما يحرمكش من دعاها ورضاها لو دعتلك ورضت عنك هتبقى نمبر 1، ثم غنى له أغنية "نمبر 1" وألبسها تاج الملكة.

 

وكان الفنان محمد رمضان، قال إن برنامج "مدفع رمضان" تم صناعته بمحبة كبيرة للشعب المصري، كاشفًا عن أنه قال للشركة المتحدة للخدمات الإعلامية عند تعاقده على تقديم هذا البرنامج: "أنا جاهز أروح كل شبر في مصر علشان نفرح الناس".