مؤسس "زونتا" يطلب من "شارك تانك" 5 ملايين جنيه مقابل 10% من قيمة الشركة

استعرض أحمد الحفني، مؤسس شركة "زونتا" المتخصصة في الأحذية، حيث عرض فرصة للاستثمار 5 مليون جنيه، مقابل 10% من قيمة الشركة.

وقال "الحفني" خلال مشاركته ببرنامج "شارك تانك" الذي يذاع على قناة "cbc": "بدأنا لما لاحظنا وجود فجوة كبيرة السوق في الأحذية من النوع اللي احنا بنصنعه، لاقينا اننا مش عارفين اسم براند محلي واحد، وأنا عندي شغف وقررت أحل المشكلة دي".

وأضاف: "روحت لورشة في باب الشعرية وطلب منهم يصنعوا ليا حذاء سنيكر مفيهاش ابتكار وبتسعر تنافسي، أخدتها وحطيتها على أمازون، وخلال أسابيع الحذاء اتباع، والمبيعات اتحركت بشكل تدريجي، لحد ما الفنان محمد رمضان لبس الحذاء بتاعنا وبعدها بأسبوعين طلب حذاء تاني عليه حروف اسمه علشان يصور كليب، ولما الكليب نزل المبيعات اتحركت بشكل أسرع".

وتابع: "بعنا 5000 حذاء بإجمالي مبيعات تخطى الـ 2 مليون جنيه في أقل من 12 شهر، واحنا بنلعب وبنجرب بكميات محدودة وأسعار بسيطة، لكن طموحنا زاد، بقينا عاوزين نبقى براند حقيقي ياخد ماركت شير، ومن هنا وصلت الهوية الجديدة لشركتنا".