صاحبا "pavo" يطلبان من "شارك تانك" 3 ملايين جنيه مقابل 10% من قيمة المشروع
الأربعاء، 11 ديسمبر 2024 10:21 م
استعرض خالد برعى ومينا مندلون، صاحبا مشروع "pavo"، تفاصيل مشروعهما، حيث طلبا 3 ملايين جنيه مقابل 10% من قيمة الشركة.
وقال مينا مندلون، خلال برنامج "شارك تانك" الذى يذاع على قناة "cbc": "بداية القصة كنا قاعين مع ناس أصحابنا، وكانوا بيدوروا على منتج، مش موجود فى السوق المحلى بسهولة، ومن هنا سألنا نفسنا سؤال، هل فعلا المنتجات دى ممكن تتصنع هنا فى مصر بأيادى مصرية؟".
وأضاف: "نزلنا دورنا على ورش تعلمنا أول 25 شنطة، وكنا فاكرين أن البداية سهلة، بس طلعت أصعب مما نتخيل، لأننا نزلنا اتعلمنا إزاى نعمل شنطة بإيدينا، وطلعنا أول شنطة عملية بسعر مميز وجودة عالية".
وتابع: "قررنا فى أغلب تصميماتنا، أنها تكون تصميمات عملية وذكية يمشى مع أى لبس هتلبسه ومهما عدى عليه الزمن يفضل محتفظ بقيمته وشكله، وعملنا أكثر من 100 موديل".
وقال: "احنا عددنا 14 شخصا، بنطلع 20 ألف أوردر سنويا، بقيمة 25 مليون جنيه، وبيدخلنا على موقعنا أكثر من 100 مليون زائر".
