مؤسس المتحدة لتصنيع الفرامل يطلب من "شارك تانك" 10 ملايين جنيه مقابل 25% من الشركة

استعرض محمد الصواف، مؤسس شركة المتحدة لتصنيع تيل الفرامل،  تفاصيل مشروعه، حيث طلبت الحصول على 10 مليون جنيه، مقابل 25% من قيمة الشركة.

وقال محمد الصواف، خلال برنامج "شارك تانك" الذي يذاع على قناة "cbc": "احنا بنصنع منتجنا في مصر، صناعة مصرية 100% بالكامل، بدون استيراد أن عنصر، بدأنا في 2016 في تصنيع تيل فرامل خاص بالموتوسيكل أو التوك توك، بياخد 15 مرحلة علشان يخرج للناس بشكله الحالي، غير تيل الفرامل الخاص بالعربيات اللي بياخد 5 مراحل بس".

وقال: "تيل الفرامل في مصر للموتوسكيلات سوق كبير، علشان كدة احنا بنشتغل عليه منذ 2016 لحد انهاردة، وصنعنا في الفترة دي ما يقرب من 2 مليون طقم تيل فرامل".

وتابع: "عندنا في مصر 6 مليون موتوسيكل مرخص، 5 مليون و400 ألف توك توك، ولو أخدنا عدد الموتوسيكلات المرخصة أن التيل بيتغير فيها كل 4 شهور، هنحتاج 6 مليون طقم تيل كل 4 شهور، يعني مليون و500 ألف طقم شهريا".

وقال: "بنصنع 18 ألف طقم في الشهر، ما يقرب من 700 طقم في اليوم، وده رقم قليل جدا بالنسبة للي موجود في السوق، علشان كدة عاوزين نكبر شغلنا ونرفع من 700 طقم إلى 2000 و5000 طقم يوميا، وحلمنا نتوسع في أفريقيا اللي حجم استثمار الموتوسيكلات فيها وصل 3 مليار و700 مليون دولار".