المخرج على إدريس: عادل إمام ليس قيمة فردية بل فنية ومجتمعية

قال المخرج على إدريس انا بقول لعادل إمام كل سنة وانت طيب ويارب يمد في عمره كمان وكمان لأن عادل إمام ليس قيمة فردية ولكنه قيمة لنا كفنانيين وقيمة للمجتمع المصرى هو حاجة كبيرة جدا .

وأضاف خلال لقائه ببرنامج الحياة اليوم مع الاعلامى محمد مصطفى شردى المذاع على قناة الحياة : اشتغلت مع عادل إمام التجربة الدينماركية ، وكنت مرعوب وخايف لأنى كنت أخرجت فيلم واحد بس وكنت خايف جدا جدا والفيلم كان مله على اعصابى ولما قعدت معاه هو حس انى متخوف وكنت بقعد معاه كل يوم في مكتبه في المهندسين وكنا بنتكلم في أمور الحياة وليس الفيلم فقط .

 

وتابع: كان عادل يكتشفنى ويبحث عن رؤيتى في الحياة بشكل عام وهقدر اعمل ايه ف الفيلم وبيعرف دماغى رايحة فين في الفيلم، وانا اجتهدت بحبى لعادل إمام ولم اعمل من منظور المخرج ولكن منظور المحب أو العاشق ، وعادل إمام يتسع قلبه للجميع ويهمه ان الناس اللى حواليه تبقى منورة انهم يكونوا كلهم عادل إمام ودى عظمته ، وانهم يبقوا منورين معاه انهم ينجحوا معاه.