بكاء وضحك وأسرار.. أهم تصريحات ياسمين عبدالعزيز مع إسعاد يونس في صاحبة السعادة
الثلاثاء، 07 مايو 2024 01:29 م
أمل عبد المنعم
العديد من المواقف الشخصية والمهنية التي مرت بها خلال حياتها كشفتها الفنانة ياسمين عبدالعزيز، وهو ما جعلها تتصدر الترند على مواقع التواصل الاجتماعي بعد إنتهاء الحلقة.
تصريحات ياسمين عبدالعزيز
أكدت ياسمين عبدالعزيز خلال لقائها مع الفنانة إسعاد يونس في برنامج "صاحبة السعادة" المذاع عبر قناة dmc،أنها كانت "أغلى موديل إعلانات" في بداياتها، وأنها بدأت العمل منذ صغرها لتتحمل مسؤولية نفسها ومصاريف دراستها.
طفولة ياسمين عبدالعزيز
وكشفت ياسمين عبدالعزيز عن شرائها سيارة وشقة خاصة بها في سن 15 أو 16 عاما، موضحة أنها كانت مصممة على تحقيق استقلاليتها المادية خلال هذه الفترة، وذكرت أنها فتحت دفتر توفير في البنك و أدخرت أموالها لشراء ما تريد.
ياسمين عبدالعزيز وعلاقتها مع أسرتها
حكت ياسمين عبدالعزيز عن علاقتها القوية بوالدتها، التي كانت تعمل وتكافح لتربية أبنائها الثلاثة، و أوضحت أنها بعد أن بدأت تكسب أموالاً من عملها، أصبحت هي من تنفق على الأسرة، وحرصت على توفير حياة كريمة لوالدتها.
حكت ياسمين عبدالعزيز عن علاقتها القوية بوالدتها، التي كانت تعمل وتكافح لتربية أبنائها الثلاثة، و أوضحت أنها بعد أن بدأت تكسب أموالاً من عملها، أصبحت هي من تنفق على الأسرة، وحرصت على توفير حياة كريمة لوالدتها.
وأردفت ياسمين عبدالعزيز أنها لم تكن تحب التمثيل في البداية، وأنها كانت تفضل العمل كمخرجة إعلانات على غرار طارق نور، أو كضابطة شرطة، موضحة أنها تلقت العديد من العروض للتمثيل خلال عملها في الإعلانات، إلا أنها كانت ترفضها، وذكرت أنها دخلت معهد السينما بناء على رغبة أساتذتها في الإعلانات، وأنها لم تكن تفكر في التمثيل حينها.
أول لقاء مع كريم عبدالعزيز
كشفت ياسمين عبدالعزيز تفاصيل لقائها الأول مع صديقها الفنان كريم عبدالعزيز في كواليس أحد الأعمال، وذكرت أنها رأت كريم في المقابلة، وأنها شعرت بتوافق كبير في شخصيتهما.
حكت ياسمين عن أصعب موقف مرت به في حياتها، وهو عندما دخلت في غيبوبة بعد عملية جراحية، و أوضحت أنها ظلت في السرير 4 أشهر، وأنها أجرت 6 عمليات جراحية، وعبرت ياسمين عن امتنانها لله على نجاتها، وذكرت أن هذه التجربة جعلتها تقترب أكثر من الله.
أكدت ياسمين على حبها الكبير لطليقها الفنان أحمد العوضي، ووصفته بأنه "الحب الحقيقي" في حياتها، وأنها تعشقه وتكن له كل الحب والتقدير، نافية شائعات الخيانة التي طالتها هي وأحمد العوضي، مؤكدة أن انفصالها عن عنه كان لأسباب خاصة لا علاقة لها بأحد.
ودار حوار بين الفنانة والإعلامية إسعاد يونس و ياسمين عبدالعزيز وكان هكذا:
إسعاد
لما تكوني قدرية بهذا الشكل ومستعدة تتلقي كل أقدار ربنا لكن لما أحدهم تنبأ لسعادتك بأنه سيتم انفصال ياسمين عبدالعزيز والعوضي .. تلقيتي الموضوع ازاي.
ياسمين عبدالعزيز
= خلصتي؟ بصي هو أي اتنين بيتطــلقوا في ساعتها؟ ما أكيد في قبلها مشاكل .. وأكيد فيه ناس قبلها حوالينا بيبقوا عارفين وأكيد حد قال .. لكن حبيبتي مفيش حد يعرف الغيب إلا ربنا.
- لكن انتي ماشكيتيش في حاجة خالص؟
ياسمين عبدالعزيز
= خالص أصل مفيش اتنين بيتطـلقوا فجأة كدة.
- ولو إن انتو فاجئتونا .. أنا كلمتك يومها وأنا ثايرة عليكي ثورة فظيعة فاكرة؟
= ياسمين عبدالعزيز.. ده حقيقي
- الناس كلها اتفاجئت يومها .. مرة واحدة على انستجرام قولتوا بس رغم كدة الاحترام كان متبادل بشكل فظيع وكنتو راقيين ، ولما تعب روحتيله .. أيه اللي حصل؟
= ياسمين عبدالعزيز.. حصل أيه؟
- يعني محصلش نفور أو كراهية بينكم ولسة بنفس مستوى الحب المتبادل طول الوقت.
=ياسمين عبدالعزيز.. طبعًا أنا مش بحب أحمد .. أنا بعشقه.
إسعاد.. ما هو بيقول نفس الكلام.
= أيوة .. عايزة أقولك بكاء ياسمين عبدالعزيز.
- قولي
= ياسمين عبدالعزيز.. مش عارفة .. أنا بقيت رقيقة أوي تخيلي؟ ماكنتش كدة .. انتي جايباني عشان أقعد أعيط صح؟
- لا والله العظيم أنا مش من عادتي هذا التصرف أبدًا.
= ياسمين عبدالعزيز.. أصلك بتضغطي على حاجات بتوجعني.
- أنا ماضغطش بس الناس ارتبطت بيكي وانتي متربية وسطهم وتهميهم .. ومفيش حاجة مخزية في الموضوع دي حاجة بتحصل في كل البيوت.. وانتي دلوقتي بتقولي أنا بحبه وبعشقه.
= ياسمين عبدالعزيز.. ده حقيقي.
- وهو قال كدة فـ ده اسمه أيه؟
=ياسمين عبدالعزيز.. بصي أنا مع أحمد لما حبيته اكتشفت إن أنا ماكنتش بحب قبل كدة .. اللي حصل قبل كدة في حياتي ده مش حب وإن أحمد أول حب في حياتي .. الحب الحقيقي أحمد.
- ده هيجــننـوا أمي .. طب وبعدين النصيب خلص كدة؟
= ياسمين عبدالعزيز.. ربنا بقى .. أنا عن نفسي عملت استخارة وعملت عمرة وفيه حاجات كدة بتبقى بتاعة ربنا فـ ربنا عايز يمشيني في سكة معينة أنا راضية بيها واللي عايزه يكون حتى لو دي مش رغبتي، يمكن أنا قولت يارب أعملي اللي فيه الخير وربنا شاف إن ده الخير .. لكن أنا عارفة إن أحمد بيحبني وهو عارف إن أنا بحبه.
- لما بتختلفي مع بنتك في موضوع جذري بتعملي إيه .. أنتي اللي رأيك بينتصر ولا مين؟
= ياسمين عبدالعزيز.. موضوع زي إيه .. على حسب؟
- أنا عايز عربية مثلًا .. لأ مفيش عربية
= ياسمين عبدالعزيز.. على فكرة أنا أم لذيذة أوي، يعني أنا بنتي عايزة تتجوزي (عادي إتجوزي) مش عايزة (متتجوزيش) عايزة أدخل الكلية دي (أدخلي) مش عايزة (متدخليش) دي حياتها، بقولها بصي يابنتي دي حياتك وأعملي اللي أنتي عايزاه.
أنا مقدرش أغصبها على حاجة، أنا عن نفسي ربيت وبديها رأيي بنصيحة وخلاص أعملي اللي إنتي عايزاه وتتحمل هي التبعات بعد كده ، لكن زعيق لأ مفيش الأسلوب ده.
ياسمين عبدالعزيز:
خلي بالك برضو أنا كنت بعمل بلاوي .. مش بلاوي وحشة بس كنت شقية جدًا يعني مثلاً (أنا في مرة فتحت راس واحدة وكسرتها نصين والبنت دخلت المستشفى).
- يا نهار أبيض ده أنتي كنتي شقية شقاوة صبيان مش معقول .. مستعدة ترجعي للفترة دي ولا لأ؟
ياسمين عبدالعزيز
= اه أرجع دي أحلى فترة .. نفسي أرجع لأيام زمان، زمان أحلى من دلوقتي أحلى من التليفونات والسوشيال ميديا واللي بيحصل ده.
زمان كان فيه بركة في اليوم والناس كانت بتسأل على بعض والجيران كانت بتحب بعض وأحلى حاجة كنا نعملها ننزل نلعب في الشارع والسبع طوبات كان فيه براءة غير دلوقتي كل واحد ماسكلي التليفون والبلايستيشن.
