ع المسرح.. إمام عاشور: ناس كتير وقفت في طريقي.. ومدرب مكنش مقتنع بيا

أكد لاعب النادي الأهلي إمام عاشور، أنه يركز فى عمله والتمارين ولا يهتم بأى شئ آخر، وبعرف أخرج بره المواضيع دى، وموضوع الجمهور وضغوطات الجمهور واخد فى مصر أكبر من حجمه، وبنزل الملعب وانا مركز فى شغلى ومحاولة التركيز فى فوز فريقى".

 

وأضاف إمام عاشور، خلال حواره ببرنامج "ع المسرح"، مع الإعلامية منى عبد الوهاب، على قناة الحياة، كنت محتاج أنسى لما احترفت 6 أشهر ومكنتش الدنيا ماشية معايا بشكل كويس ومريض بظروف محدش يعرفها غير القريب منى ومقدرتش أتأقلم معاهم، وكان منها اللغة وخاصة عند تغيير المدرب، وكان نفسى أعمل حاجة وانا فى ميتلاند وجيت جون أمام سبورتينج لشبونة".

 

وأكد إمام عاشور، لولا إصابة إخواتى محمد وحازم كانوا كملوا فى الملاعب، ولو اتكلمت عليهم مش هقدر أديهم حقهم من هنا للسنة اللى جاية، وديما بينصحونى وكانوا معايا، لافتا إلى أنه فى ناس كتير وقفت فى طريقه وحاولت عرقلته، ومش عاوز أذكر أسامى، منهم مدرب مكنش مقتنع بى زى مدرب غزل المحلة، أكيد كان فى أسباب بس مش عارف إيه هى لأنى مكنتش مقصر فى حاجة".