شريف مدكور: اتعرضت عليا بطولة فيلم.. وبقيت مذيع بالصدفة

قال الإعلامى شريف مدكور «كنت معدا بقناة النيل للأسرة وأصبحت مذيعا بالصدفة وكانت صدفة حلوة وعمرى ما كنت متخيل أطلع قدام الكاميرا وأكون جرىء وحبيت اللي بعمله وبموت في شغلي ومستمع بالبرنامج والمشاهدين».

 

وأضاف شريف مدكور، خلال حواره ببرنامج «ع المسرح»، مع الإعلامية منى عبد الوهاب، على قناة الحياة، اتعرضت عليا بطولة فيلم «المسطول والقنبلة» ولو كنت عملته كان ممكن أكون نجم سينما كبير وكان نفسي أعمله، موضحا أن ممدوح الليثى كلمني وقالي تعالى دلوقتي ولما حضرت عرضوا عليا بطولة الفيلم وذاكرت الفيلم حوالى 3 شهور ومتعملش الفيلم إلى الآن وكان فيلم سياسي فيه مشاهد قاسية وصعبة.

 

أكد شريف مدكور، بحب أوصل وأدوس على أى معوقات أو مطبات زى القطر وماشى فى سكتى ماليش دعوة بحد، لافتا انا صاحب الفضل على نفسى وانا بحب نفسى جدا وبحب شريف مدكور جدا وأخرج وأسافر مع نفسى، ووالدى ووالدتى وعيلتى وأصحابى أحب الناس ليا.