جهاد حسام الدين: الشغل مع عصام عمر ورشدى الشامى في مسلسل مسار إجبارى ممتع
الثلاثاء، 26 مارس 2024 09:37 ص
كشفت الممثلة الشابة جهاد حسام الدين عن مشاهدها مع الممثل الشاب عصام عمر ضمن أحداث مسلسل مسار إجبارى الذى عرض في النصف الأول من الشهر ضمن دراما رمضان 2024.
وصرحت جهاد قائلة:" دى مش المرة الأولى اللى بشارك فيها مع عصام عمر في عمل، شاركت معاه في فيلم لسه منزلش، بس مكنش لينا مشاهد مع بعض، بس كنا بنتقابل في لوكيشن التصوير، على عكس مسلسل مسار إجبارى كانت معظم مشاهدى معه".
وتابعت جهاد قائلة:" أنا وعصام بيجمعنا نفس طريقة التفكير تقريبا، وده اللى سهل علاقتنا سواء في التصوير أو خارجه، وكان بينا دايما حوار مفتوح، بنظبط المشاهد سوا، وكنا دايما بنتكلم فى كل حاجة، وطبعا كله تحت توجيه الاستاذة نادين خان".
وأكملت جهاد حديثها قائلة:" الفنان رشدى الشامى جميل، شخص هادى وفنان وبيحب يهزر، وبيحب يغنى، كنا بنغنى لـ المطرب محمد فوزى، هو شخص خفيف والتواجد معاه سلس جدا".
مسلسل مسار إجبارى مكون من 15 حلقة ويعرض ضمن مسلسلات رمضان 2024، بطولة أحمد داش، عصام عمر، صابرين، بسمة، جورى بكر، نور محمود، مى الغيطى، رشدى الشامى، ياسمينا العبد، معاذ نبيل، محسن منصور، جهاد حسام، نورين أبو سعدة، إبراهيم الزيادى، وعدد آخر من الفنانين، هو سيناريو وحوار أمين جمال، محمد محرز، مينا بباوى وإخراج نادين خان وإنتاج المتحدة للخدمات الإعلامية.
