انتصار للمخرجة كاملة أبو ذكرى: "إنتى مخرجة كبيرة مينفعش تطلعي تتكلمي عن زملائك وحش"

وجهت الفنانة انتصار رسالة إلى المخرجة كاملة أبو ذكرى، وطالبتها بعدم الحديث عنها في البرامج، وقالت لها: "انتي مخرجة كبيرة ليكي اسم مينفعش البرامج تستغلك، وتطلعي تتكلمي عن زملائك وحش، لانك من أهم المخرجين الموجودين في الشرق الأوسط، وانا بحبها جدا لانها صحبتي".

 

وكانت الإعلامية مني عبد الوهاب قد وجهت سؤال للفنانة انتصار خلال استضافتها ببرنامج "ع المسرح" المذاع على قناة الحياة، قائلة:كاملة أبو ذكري قالت انك ممثلة شاطرة جدا، بس مش هتشتغل معاكي تاني لانك غير منضبطة، لترد عليها قائلة:"أتمني أن المخرجة كاملة أبو ذكري متتكلمش كتير في البرامج لانه مش صح، مينفعش كل شوية تطلع علي الناس لاني مبحتش انها عملت كدا، وبراحتها مشتغلش معايا تاني".

 

وعن جدل تعليم انتصار وباسم سمرة التمثيل لنيللي كريم فى مسلسل "ذات"، قالت :"انا قولت كدا عشان باسم سمرة طلع وقال في لقاء اني انا وانتصار علمنا نيللي كريم التمثيل، وانا اتزنقت في لقاء بعدها على طول، وقولت ساعتها مكنش يقصد هو كان قصده انه في الفترة دي كنا بنمثل بقالنا فترة طويلة، وهي حينها كانت راقصة شاطرة، كانت بتلعب بالية حلو جدا، وعجبني ساعتها اني نيللي كريم مردتش خالص واحترمتها جدا".