طفلة تسأل: ليه ربنا خلق الناس مختلفين؟.. وعلي جمعة يجيب (فيديو)

أجاب الدكتور علي جمعة، مفتي الديار المصرية السابق وعضو هيئة كبار العلماء فى الأزهر الشريف، على سؤال: "هو ليه ربنا سبحانه وتعالى خلق الناس في اختلاف.. فى لون البشرة وغيرها؟

 

وقال الدكتور علي جمعة، خلال حلقة برنامج "نور الدين"، المذاع على قنوات الشركة المتحدة، اليوم السبت: "ربنا سبحانه وتعالي لما خلق الكون بطريقة فيها سنة التدافع فى الفن والعمارة والخير وتزكية النفس.. والناس تدفع بعضها بعض والاختلاف مهمته كده".

 

 

 

وتابع: "الآلة فيها تروس مختلفة بعضها يحرك بعض علشان تؤدى مهامها، لو لم يوجد اختلاف هيبقى فى تساوى.. فيه عوالم ربنا خلقها واحد.. مثل الملائكة كلهم واحد وهم درجات عند الله ولكن كلهم واحد.. فمفيش اختبار ولا اختيار فربنا خلقنا مختارين.. وخلقنا عندنا عقل وخير وتكليف والدنيا بالنكد بتاعها علشان ربنا يرضى عنها ودي فرصة العمر.. وساعات الإنسان يطلب ويقول أنا عاوز أكون ملك.. والإنسان لازم يكون حكيم وربنا أتاح لنا الخير والتكليف والاختيار والدنيا".

 

برنامج نور الدين، الذى يعرض على قنوات الشركة المتحدة، يفتح حوارا مع الأطفال والكبار حول تساؤلاتهم حول الدين والله عز وجل، إضافة إلى المشكلات الحياتية التى تواجه عباد الله وكيفية التغلب عليها، ويرد على أسئلة للمرة الأولى علي لسان أطفال صغار، دومًا ما يسألوها لأهاليهم الذين يجدوا نفسهم في حيرة من أمثلة فين ربنا، مش بنشوفه ليه، وغيرها من الأمور الذي يقف الآباء أمامها في حيرة شديدة دون إجابة ما جعل البرنامج محل ترقب سواء للأهالي الذين ينتظرونه لفهم الإجابة الصحيحة، أو الأبناء الذين سيجدون في البرنامج فهمًا لما يحاولوا معرفته ويثبتهم بصورة صحيحة ما يبني عندهم وعيًا ويقينًا.