بسمة وهبة: مسؤول حملة أحمد الطنطاوي في الخارج أعلن انسحابه من الحملة

قالت الإعلامية بسمه وهبه، إن مسؤول حملة أحمد الطنطاوي في الخارج عبد اللطيف المهلمي أعلن انسحابه من حملة طنطاوي، معلقة: "لأنه اكتشف أن زوجة طنطاوي منتقبة ودا يعتبر عدم شفافية ويشير لانتماءات معينة".

 

وأضافت خلال تقديمها برنامج "90 دقيقة"، عبر قناة المحور: "أنا بشوف إن دا يا جماعة أقنعة بتوقع، بيقولوا عليها تساقط أقنعة وظهور حقيقة، ولازم يبقى في وعي مين معانا مع البلد ومين ضد البلد، ومين بيسعى لإسقاط البلد، ومين عاوز يجيب لنا الجماعة الإرهابية تاني؟ لا احنا مش هناخد على قفانا مرتين".

 

وتابعت الإعلامية بسمه وهبه: "أنا برفض دا تماما وأي مرشح محتمل من قبل الناس دي الجماعة الإرهابية أنا والشعب المصري كله قولا واحدا بنرفضه مش هنسكت.. انتخبوا أي حد يا جماعة السيد الرئيس قال أهم حاجة تنزلوا بس اوعوا تنتخبوا اللي هيرجع الجماعة الإخوانية دا.. هو احنا مش شايفين ولا فاهمين ولا عارفين، لبنان صغيرة والصالة مفتوحة على الصالون".