جيلان علاء رفضت الزواج من عز شهوان في الأول وتعلق "اللي جالي في الدوغري مصدقتوش"

في أول ظهور لهما بعد الزواج كشفت الفنانة جيلان علاء وزوجها عز شهوان عن بداية قصة حبهما وبداية ارتباطهم وتفاصيل حفل زفافهم ، وذلك خلال ظهورهما مع الإعلامية منى الشاذلي في برنامج "معكم"، لتتصدر جيلان علاء التريند علي محرك البحث جوجل .

 

قصة حب جيلان علاء وعز شهوان

في البداية سردت جيلان علاء تفاصيل تقدم عز شهوان لها قائلة   :" يوم عرض حلقتنا بنفس البرنامج السنة اللي فاتت، كنا أصحاب بس وبعدها وصلني للبيت بعربيته وطلب مني الزواج وبصراحة خفت لما دخل دوغري".

ليرد عز شهوان قائلا :" يوم ما روحنا سوا  بدأت حرارة الحب وكنت محتار أصارحها ولا لأ، وزي أي راجل ساذج قلتلها في العربية إني بحبها فـهي قالتلي لا، عشان ماكنتش عايزة تتجوز".

جيلان علاء ترفض الزواج

وعن سبب رفض جيلان علاء للزواج  من عز شهوان بعد إعلان حبه لها قالت " أنا رفضي كان بسبب خوفي من الجواز، وتجاربي مكنتش ألطف حاجة، وبالنسبالي مفيش راجل يقول لواحدة هتجوزك، وقولت أكيد كداب أو بيهزر والموضوع مش هينتهي نهاية سعيدة، عشان عدى 34 سنة وعديت بحاجات مأساوية واللي جالي في الدوغري مصدقتوش" وأضافت " وبعد شهرين رجعنا أصحاب تاني، وهو قالي أني مش عايز أخسرك، وفي يوم بنفطر في مصر الجديدة كأصحاب، قولت له أنا عايزة أقولك حاجة، قالي: إيه؟، قولت له: أنا بحبك"

زفاف جيلان علاء

وخلال البرنامج كشفت جيلان علاء عن تفاصيل يوم الزفاف فقالت:"كنت عايزة الفرح يكون خروجه لطيفة وطلبت من أصدقائي يلبسوا فساتين ملونة ويبتعدوا عن الكعب العالي، وكنت عايزة الجميع يسعد وكأنها خروجها لطيفة، لأنهم أرادوا أن يسعدوني فكنت حريصة على إسعادهم أيضًا".

وعن ظهورها بعدما تخلت عن الكعب العالي في نهاية الحفل أكدت أنها وقتها فعلًا كنت وصلت لقمة التعب هي وزوجها وظهرا بهذا الشكل في الفقرة.