راغب علامة لـ"أنغام": أهلى ما كانوش عايزنى أغنى خاصة والدتى
الخميس، 06 أكتوبر 2022 10:15 م
عُرضت، اليوم الخميس، أولى حلقات برنامج أنغام الجديد، الذى تقدمه النجمة أنغام على قناة dmc. وقالت أنغام فى استقبال النجم راغب علامة: "مفيش بداية أحلى من كدة، أنت عندك الغنا السهل الممتنع، فيه حاجات حلوة كتير بتطلع بمنتهى السلاسة، بتقدر تربط بين حياتك والمزيكا، ودخلت قلبى من أول غنوة".
ورد راغب: "أنا فى منتهى السعادة، إزاى مكناش أصدقاء كل العمر ده"، مضيفا: "أنا إنسان بسيط جدا، وفى الغنا أنا بسيط جدا، بس محدش يقدر يقلدنى ، وعندى خصوصية فى صوتى".
وعن بدايته الفنية قال راغب: "أبويا كان بيلعب عود وكنت براقبه، لما كان عندى 18 سنة درست فى الكونسرفتوار، واتعلمت غنا شرقى".
وتابع: "أهلى مكانوش عايزنى أغنى، خاصة والدتى، وكانوا على قد الحال ومش قادرين يعلمونى.. قلت لأمى أوعدك تشوفى حالك فيا".
